ЎЗ РУ EN
Мадҳия Герб Байроқ

Ўзбекистон

“МИЛЛИЙ ТИКЛАНИШ”

демократик партияси

ПАРТИЯ ЯНГИЛИКЛАРИ


Семинар-тренинг партия фаолларининг билим, кўникма ва маҳоратларини янада оширди

17.09.2019Партия хабарлари


Ўзбекистон “Миллий тикланиш” демократик партияси Бухоро вилоят кенгаши томонидан “Сайловлар: ғалаба стратегияси ва тактикаси” мавзусида 3 кунлик семинар-тренинг ўтказилди.

Мустақиллик мавзуидаги танлов ғолиблари тақдирланди

17.09.2019Партия хабарлари


Ўзбекистон “Миллий тикланиш” демократик партияси Тошкент шаҳар кенгаши томонидан “Мустақиллик – менинг тасаввуримда” мавзуида ўтказилган кўрик-танлов ғолиблари тақдирланди.

Ўзбекистон Президенти Россия Давлат думаси раисини қабул қилди

17.09.2019Партия хабарлари


Ўзбекистон Республикаси Президенти Шавкат Мирзиёев 16 сентябрь куни  Россия Федерал Мажлисининг Давлат думаси раиси Вячеслав Володин бошчилигида мамлакатимизда расмий ташриф билан бўлиб турган делегацияни қабул қилди.

Энди тўй ва бошқа маросимларимиз қандай ўтади?

16.09.2019Партия хабарлари


Бугун Олий Мажлис Қонунчилик палатасининг навбатдаги мажлиси бўлиб ўтди. Унда депутатлар халқимизнинг узоқ йиллик қадриятлари ва анъаналарини ўзида акс эттирган тўйлар, оилавий тантаналар, маърака ва маросимлар, марҳумларнинг хотирасига бағишланган тадбирлар ўтказиш масалаларини муҳокама қилдилар.

Таъкидланганидек, жорий йилнинг 14 сентябрь куни Олий Мажлис Қонунчилик палатаси ва Сенати Кенгашларининг қўшма мажлиси ўтказилди. Унда тўйлар, оилавий тантаналар, маърака ва маросимларни ўтказиш билан боғлиқ муносабатларни тартибга солиш масалалари икки палата аъзолари томонидан атрофлича муҳокама қилиниб, мазкур тадбирларни тартибга солиш мақсадга мувофиқ, деб топилди.

Олий Мажлис палаталари Кенгашларининг Қўшма қарори билан тасдиқланган Низомга мувофиқ, тўйлар, оилавий тантаналар, маърака ва маросимлар фақат бир кун (дафн этиш маросими бундан мустасно) соат 06:00 ва 23:00 оралиғида ўтказилади. Ҳудудларнинг шароитларидан келиб чиқиб, халқ депутатлари туманлар ва шаҳарлар Кенгашлари томонидан ош бериш маросимининг вақти алоҳида белгиланади. Соат 23:00 дан кейин тўйлар, оилавий тантаналар, маърака ва маросимларни давом эттиришга йўл қўйилмайди.

Шунингдек, тўйлар, оилавий тантаналар, маърака ва маросимларда 200 нафаргача, мазкур тадбирлар муносабати билан ош бериш маросимида 250 нафаргача киши қатнашади. Қўшалоқ тўйларда 250 нафаргача, у билан боғлиқ ош бериш маросимида 300 нафаргача киши иштирок этиши мумкин.

Мажлисда таъкидланганидек, дафн этиш ва мотам маросимлари кўпи билан уч кун мобайнида чекланмаган миқдордаги фуқаролар иштирокида ўтказилиши мумкин, ош бериш маросими бундан мустасно. Миллий анъаналарга ёт, одоб-ахлоқ қоидаларига зид бўлган турли шоуларни, ортиқча вақт ва харажат талаб қиладиган тўйлар, оилавий тантаналардан олдинги, тадбир давомидаги ва ундан кейинги қўшимча расм-русумларни ўтказишга йўл қўйилмайди.

Оилавий тадбирларнинг дабдабасиз, камхарж ва ихчам, шунингдек, Низом талабларига мувофиқ ўтказилиши учун биринчи навбатда маҳалла фуқаролар йиғинлари раислари ва ички ишлар органлари профилактика инспекторлари шахсан масъул ҳисобланади.

Мажлисда депутатлар Ўзбекистон Республикаси Олий Мажлиси Қонунчилик палатаси ва Сенати Кенгашларининг “Тўйлар, оилавий тантаналар, маърака ва маросимларнинг ўтказилишини тартибга солиш тизимини янада такомиллаштириш тўғрисида”ги Қўшма қарорини тасдиқладилар.

Ушбу қарор юзасидан бир қатор депутатлар ўз муносабатини билдирди.

Абдурашид ТЎХТАБОЕВ,
Ўзбекистон “Миллий тикланиш” демократик партияси аъзоси:

— Яхши биласиз, парламентимиз юқори палатаси томонидан 2018 йил  март ва июнь ойларида тўй-ҳашамлар, оилавий тантаналар, маърака ва маросимлар, марҳумларнинг хотирасига бағишланган тадбирлар ўтказилишини тартибга солишга доир қарорлар қабул қилинган эди. Ушбу қарорларни халқимиз жуда яхши кутиб олгани боис, ўтган давр мобайнида айни соҳада қатор ижобий натижаларга эришилди. Хусусан, Ўзбекистон Қорақалпоғистон Республикаси Жўқорғи Кенгеси, халқ депутатлари вилоят, туман ва шаҳар Кенгашларида, шунингдек фуқаролар йиғинларида оилавий тадбирлар ўтказилишини тартибга солиш масалалари бўйича комиссиялар тузилди. Сенаторлар, депутатлар, жамоат ташкилотлари вакиллари, зиёлилар, ижодкорлар иштирокида кўплаб тушунтириш ва тарғибот тадбирлари ўтказилди. Ушбу жараёнда биз — депутатлар ҳам фаол қатнашдик, халқимизнинг, сайловчиларнинг айни масала бўйича фикр-мулоҳазаларини тинглаб бордик, уларни қийнаётган масалаларни батафсил ўргандик. Албатта, парламентимиз палаталари Кенгашлари томонидан куни кеча қабул қилинган қўшма қарорга ўз-ўзидан келингани йўқ. Жойларда ўтказилган ана шу учрашувларда халқимиз томонидан тўй-тантаналарни ихчам, камхарж ва дабдабадан холи, жамоат тартибини сақлаш бўйича билдирилган фикр-мулоҳазалар, илгари сурилган таклифлар бунда муҳим асос бўлди.

Козим ТОЖИЕВ,
Ўзбекистон “Миллий тикланиш” демократик партияси аъзоси:
Ёшлар масалалари бўйича комиссияси раиси:

— Мазкур Қўшма қарор халқимизнинг миллий урф-одатлари, маънавияти, маданияти, анъаналари ва қадриятларини ҳурмат қилишга, жамоат тартибини сақлашга, фуқароларнинг ҳуқуқларини ҳимоя қилишга, оилавий тадбирларни ўтказишда шуҳратпарастлик, дабдаба ва исрофгарчиликнинг олдини олишга қаратилгани билан аҳамиятлидир. Шу боис ҳам жамиятимизнинг фаол қатлами бўлган ёшлар буни самимий қабул қилмоқда, керак бўлса, улар ихчам, дабдабадан холи, миллий қадриятларимиз мос тўйларни ўтказишда ўзлари намуна кўрсатяпти. Бу ҳам мазкур Қўшма қарор нечоғли тўғри, халқимизнинг кўнглидаги гап бўлганини англатади.



www.parliament.gov.uz

“Олов тутган одам” романининг тақдимоти бўлиб ўтди

16.09.2019Партия хабарлари

Ўзбекистон “Миллий тикланиш” демократик партияси Чиноз туман кенгаши ташаббуси билан “Жонажон Ўзбекистоним, мангу бўл омон!” мавзусида маънавий-маърифий тадбир, ёзувчи Луқмон Бўрихон билан ижодий учрашув ҳамда “Олов тутган одам” романининг тақдимоти бўлиб ўтди.

Муҳим жараён олдидан сиёсий билимлар мустаҳкамланмоқда

16.09.2019Партия хабарлари

Уч кун давом этган семинар-тренингда сайлов билан боғлиқ мавзуларда маърузалар ўқилиб, иштирокчиларга замонавий сайлов тизими ҳамда унинг талаб-тамойиллари, бу борада чет эл тажрибаси хусусида атрофлича маълумотлар берилди, уларнинг билим ва кўникмалари янада мустаҳкамланди.

 

Электрон сигареталар сотуви тақиқлангани маълум қилинди

16.09.2019Партия хабарлари

"Федерал ҳукумат айни шу масалани кўриб чиқаётган бир вақтда АҚШнинг Нью-Йорк штатида турли таъм берувчи электрон сигареталар тақиқланди", деб маълум қилди штат губернатори Эндрю Куомо. 

Қўқон шаҳрига “Жаҳон ҳунармандлари шаҳри” мақоми берилди

16.09.2019Партия хабарлари

Қўқон шаҳрида жорий йилнинг 14-15 сентябрь кунлари биринчи Халқаро ҳунармандчилик фестивали бўлиб ўтди.

Ўзбекистон Республикаси Президенти Шавкат Мирзиёевнинг биринчи Халқаро ҳунармандчилик фестивалининг тантанали очилиш маросимидаги нутқи

14.09.2019Партия хабарлари

“Ҳунар шундай тулпорки, унга минган киши албатта ҳурмат-эътибор топгай ва саодат манзилига етгай”

“Миллий тикланиш”ни кучига куч қўшилмоқда

14.09.2019Партия хабарлари

“Artel” компанияси бошқарув раиси Баҳодир Абдуллаев “Миллий тикланиш” демократик партияси сафига қўшилди


Новости 21 - 30 из 1761
Начало | Пред. | 1 2 3 4 5 | След. | Конец

Манзил:

Ташкент шаҳри, Чилонзор, 53

Тел:

(8-371) 239-45-77

Факс:

(8-371) 277-14-94

e-mail:

uzmtdp@mail.ru

Ўз E-mail манзилингизни киритинг ва янги маълумотлар, хабарлар ва маслаҳатларга почта орқали эга бўлинг:


© 2017 й. Ўзбекистон “Миллий тикланиш” демократик партияси расмий сайти

Сайт материалларидан тўлиқ ёки қисман фойдаланилганда веб-сайт манзили кўрсатилиши шарт!

ишлаб чикилган MD.uz