ЎЗ РУ EN
Мадҳия Герб Байроқ

Ўзбекистон

“МИЛЛИЙ ТИКЛАНИШ”

демократик партияси

ПАРТИЯ ЯНГИЛИКЛАРИ


Маданий тадбирлар меҳмонларни хушнуд этмоқда 11.09.2019

Маданий тадбирлар меҳмонларни хушнуд этмоқда



Халқаро ҳунармандчилик фестивали доирасида кўплаб маданий тадбирлар ўтказилмоқда. Фарғона вилоятидаги бадиий жамоалар, таниқли санъаткорлар, аскиячиларнинг чиқишлари байрамга ўзгача шукуҳ бағишлаётир. 

Жаҳон ҳунармандларини бир жойга жамлаётган Қўқонда фестивални юқори савияда ўтказиш мақсадида барча чора-тадбирлар ишлаб чиқилди. Ҳунармандчиликни намойиш этиш билан биргаликда халқимизнинг санъат ва маданиятини ҳам тарғиб этишга алоҳида эътибор қаратилган.

Фарғона вилояти маданият бошқармаси бошлиғи Баҳодир Султоновнинг айтишича, Фурқат боғи ва Худоёрхон Ўрдаси атрофидаги ҳунармандлар шаҳарчасида халқ сайллари ўтказилади. Қўқон шаҳар “Сарвигул” созандалар, “Қора кўзим” мақом жамоаси, Марғилон шаҳридаги “Санойи нафис”, Олтиариқ туманидаги “Дилнавоз”, Қува туманидаги “Анор” бадиий жамоаларининг ранг-баранг дастурлари иштирокчиларга манзур бўлади.Шаҳардаги тарихий обидалар Миён Соҳибзода, Дастурхончи мадрасасида турли маданий тадбирлар ташкил этилган. Шунингдек, Қўқон шаҳар мусиқали драма театрида “Қўқоннинг ўн иккинчи дарвозаси” асарининг намойиши, “Қўқон шаҳар тарихи” китобининг тақдимоти, дорбозлар ўйини, либослар кўргазмаси каби тадбирлар фестивал иштирокчиларига унутилмас таассуротлар улашади.

photo5460723597862611800.jpg

photo5460617945962097225.jpg




ЎзА


Возврат к списку

Манзил:

Ташкент шаҳри, Чилонзор, 53

Тел:

(8-371) 239-45-77

Факс:

(8-371) 277-14-94

e-mail:

uzmtdp@mail.ru

Ўз E-mail манзилингизни киритинг ва янги маълумотлар, хабарлар ва маслаҳатларга почта орқали эга бўлинг:


© 2017 й. Ўзбекистон “Миллий тикланиш” демократик партияси расмий сайти

Сайт материалларидан тўлиқ ёки қисман фойдаланилганда веб-сайт манзили кўрсатилиши шарт!

ишлаб чикилган MD.uz