ЎЗ РУ EN
Мадҳия Герб Байроқ

Ўзбекистон

“МИЛЛИЙ ТИКЛАНИШ”

демократик партияси

Партия фаолиятининг молиялаштирилиши ҳажми ва манбаалари тўғрисида ахборот


“Сиёсий партияларни молиялаштириш тўғрисида”ги Ўзбекистон Республикаси Қонунининг 5-моддасига мувофиқ Ўзбекистон “Миллий тикланиш” демократик партияси Марказий Кенгаши қуйидагиларни маълум қилади


Партия 2018 Партия ўз молиявий хўжалик фаолиятини Ўзбекистон Республикасининг “Сиёсий партиялар тўғрисида”ги, “Сиёсий партияларни молиялаштириш тўғрисида”ги Қонунлари, Вазирлар Махкамасининг қарори билан тасдиқланган “Сиёсий партияларнинг Устав фаолиятини давлат томонидан молиялаштириш тартиби тўғрисида”ги Низомга асосан ўз Устав ва Дастурига мувофиқ амалга оширди.

2018 йилда Ўзбекистон “Миллий тикланиш” демократик партияси ташкилий таркибий жихатидан 14 та ҳудудий Қорақалпоғистон Республикаси, вилоятлар ва Тошкент шаҳар ҳамда 201 та туман, шаҳар партия кенгашларидан иборат таркибда фаолият юритди.

2018 йил давомида 6 минг 38 та бошланғич партия ташкилотлари фаолият кўрсатди. Партия аъзоларининг сони 201 минг 586 нафарни, Олий Мажлис Қонунчилик палатасидаги ЎзМТДП фракция аъзолари сони 31 нафарни ташкил этди.

ЎзМТДП Уставига мувофиқ партия фаолиятини молиялаштириш манбалари-аъзолик бадаллари, юридик ва жисмоний шахслар томонидан бериладиган хайрия ёрдамлари, амалдаги қонунларга зид бўлмаган бошқа барча тушумлар ҳамда Давлат бюджетидан ажратилган маблағлардан иборат.

2018 йил 3 февралдаги Марказий Кенгаши XI Пленумида харажатлар сметаси ва жами 613 (Марказий Кенгаш девонида 50, ҳудудий партия Кенгашларида 563) штат бирликлари тасдиқланди.

2018 йил давомида партиянинг ҳисоб рақамларига жами 23 млрд 381 млн 811 минг 400 сўм маблағ келиб тушди. Шундан партия Устав фаолиятидаги вазифаларни молиялаштириш учун Давлат бюджетидан 17 млрд 489 млн 640 минг сўм, партия аъзолик бадалларидан 1 млрд 505 млн 39 минг сўм, ҳомийлик, ҳайрия ва бошқа тушумлар 4 млрд 387 млн 132 минг 352 сўмни ташкил этди.

Павртия ўтганг йилда 18 млрд 53 млн 527 минг сўм сарф-харажат қилди. Унинг 14 млрд 583 млн 186 минг сум Давлат бюджетидан молиялаштириладиган маблағлари ҳисобидан, 3 млрд 470 млн 341 минг сўмми маҳсус ҳисоб рақамдан йўналтирилди.

Давлат бюджетидан молиялаштирилган маблағларнинг 12 млрд 932 млн 976 минг сўми ҳамда бюджетдан ташқари маблағларнинг 1 млрд 225 млн 427 минг 800 сўми, яъни молиялаштирилган маблағларнинг 78.4 фоизи иш ҳақи фонди, унга тенглаштирилган тўловлар ва ажратмалар учун йўналтирилди.

Партия аъзоларини оммавий ахборот воситаларида чиқишини ташкил этиш ва кўргазмали материалларни нашр этиш харажатлари 1 млрд 50 млн 872 минг 900 сўмни ташкил этди.

Мол-мулкни сақлаш ва ундан фойдаланиш билан боғлиқ коммунал хизматлар ва эксплуатация харажатларига 602 млн 193 минг сўм, партия фаолларини ўқитиш, семинарлар ва тренинглар ўтказиш харажатларига 41 млн 361 минг 800 сўм маблағ сарфланди.

Партиянинг матбуот органига 240 млн сўм молиявий кўмак кўрсатилди.

Хизмат сафари, товар моддий заҳиралар, алоқа ва ахборот-коммуникация хизмати учун харажатлар 620 млн 741 минг сўмни ташкил этди. Бошқа харажатларга 203 млн 613 минг сўм сарфланди.

2018 йил 1 январь ҳолатига ЎзМТДП ҳудудий ва маҳаллий партия ташкилотларининг моддий-техник базаси ва иш фаолияти самарадорлигини янада ошириш мақсадида ишлаб чиқилган чора-тадбирлар режасига мувофиқ талаб этиладиган маблағ 1 млрд 34 млн 247 минг сўм бўлиб, ЎзМТДП Марказий кенгаши Ижроия қўмитасининг 2018 йил 3 мартдаги 35-йиғилиш қарорига, 21 июлидаги XII Пленум қарорига ва 4 декабрдаги 43-йиғилиш қарорига асосан смета харажатларига ўзгартириш киритилиб, 295 млн 775 минг сўм маблағ барча вилоятларга мебель ва офис жиҳозлари билан таъминлаш учун, 611 млн 430 минг сўм партия фаолиятини аҳоли ҳамда оммавий ахборот воситаларида янада кенгроқ ёритиш ҳамда кўргазмали материалларни нашр этиш (тадбирлар ташкил этиш, совғалар олиш) харажатларига, 127 млн. 042 минг сўм мол-мулкни сақлаш ва улардан фойдаланиш билан боғлиқ коммунал хизматлар ва эксплуатация харажатларига 2018 йилнинг 1 ва 2-ярмида иш ҳақидан ва унга тенглаштирилган тўловлар иқтисод қилинган маблағлар ҳисобидан йўналтирилди. Ажратилган маблағларнинг 720 млн 359 минг 400 сўми ўзлаштирилди.

Партиянинг моддий-техник базасини яхшилаш мақсадида 811 млн. 170 минг 200 сўм транспорт воситалари, мебель ва офис жиҳозлари ҳамда компютер жиҳозлари сотиб олишга сарфланди.

2019 йил 1 январь ҳолатига партиянинг 932 млн 314 минг сўмлик товар-моддий бойликлари ва 5 млрд 549 млн 060 минг 400 сўмлик асосий воситалари мавжуд. Партиянинг бюджет ҳисоб рақами қолдиғи мавжуд эмас ҳамда маҳсус ҳисоб рақам қолдиғи 3 млрд 404 млн 967 минг 200 сўмни ташкил қилмоқда.

Партия ҳисоб рақамига келиб тушган маблағлар тасдиқланган харажатлар сметасига асосан сарфланди. Харажатлар сметасининг бажарилишида юзага келган вазиятга қараб, ўрнатилган тартибда Марказий Кенгаш Ижроия Қўмита йиғилишларида ўзгартириш ва қўшимчалар киритилди.

Ўзбекистон “Миллий тикланиш” демократик партиясига 2019 йилда Давлат бюджетидан 20 млрд 367 млн 830 минг сўм маблағ ажратилди.

2019 йил 1 январ ҳолатига аъзолар сони 211 минг 795 нафарни ташкил этади. Шундан 73 минг 573 нафари аъзолик бадали тўловчилардан иборат. Йиллик аъзолик бадали қарздорлик билан бирга 1 млрд 966 млн 167 минг сўмни, ҳомийлик, ҳайрия ва бошқа тушумлари 301 млн 400 минг сўмни, махсус ҳисоб рақамлардаги қолдиқ эса 3 млрд 403 млн 967 минг сўмни ташкил этади, жами маҳсус ҳисоб рақамдаги даромад 5 млрд 671 млн 534 минг сўм бўлиши кўзда тутилмоқда.

2019 йил молиявий фаолиятдан келиб тушиши режалиштирилаётган жами даромад 26 млрд 39 млн 364 минг сўмни ташкил этиши кутилмоқда ва ушбу даромадлар қуйидагича тақсимланиши режалаштирилмоқда:

Давлат бюджетидан ажратилган жами маблағнинг 89 фоизи барча бўғинлардаги ижроия аппарати ходимларининг иш ҳақи ва унга тенглаштириладиган тўловлари учун; хизмат сафари, коммунал хизматлар, партия мулкини сақлаш, ижара ва эксплуатация билан боғлиқ харажатларга 5,0 фоиз; товар-моддий бойликларни харид қилиш учун 0,12 фоиз; партия фаолларини ўқитиш, алоқа ва интернет билан боғлиқ бошқа харажатларга 5.78 фоиз; транспорт воситалари, мебель ва офис жиҳозлари ҳамда компютер жиҳозлари сотиб олиш харажатларига 0,10 фоиз миқдорида маблағ йўналтирилади.

2019 йилда бюджетдан ташқари маблағлар ҳисобидан молиялаштириладиган харажатлар сметасининг асосий кўрсаткичлари қуйидаги тартибда молиялаштирилиши режалаштирилмоқда. Жумладан барча бўғинлардаги партия ходимларининг иш ҳақи, мукофот, моддий ёрдам, пенсия фондига боғлиқ харажатларга ва ягона ижтимоий тўлов солиғи билан бирга 31,1 фоиз; коммунал хизматлар, партия мулкини сақлаш, ижара ва эксплуатация билан боғлиқ харажатларга 11,3 фоиз; партиявий тадбирларни ўтказиш, шу жумладан партия фаолларини ўқитиш, давра суҳбатлари ва учрашувлар ўтказиш, партиянинг матбуот органига ёрдам кўрсатиш билан боғлиқ харажатларга 23,6 фоиз; асосий воситалар, жумладан автотранспорт воситалари, оргтехника, алоқа воситалари, мебель жиҳозлари, товар-моддий бойликларни харид қилиш учун 12,5 фоиз; партия устав фаолиятини амалга ошириш билан боғлиқ бошқа харажатларга 21,5 фоиз тақсимланди.

2019 йил партиянинг даромад ва харажатлар сметаси 2019 йил 2 февраль куни Марказий Кенгаш XIV Пленумида тасдиқланди.


Манзил:

Ташкент шаҳри, Чилонзор, 53

Тел:

(8-371) 239-45-77

Факс:

(8-371) 277-14-94

e-mail:

uzmtdp@mail.ru

Ўз E-mail манзилингизни киритинг ва янги маълумотлар, хабарлар ва маслаҳатларга почта орқали эга бўлинг:


© 2017 й. Ўзбекистон “Миллий тикланиш” демократик партияси расмий сайти

Сайт материалларидан тўлиқ ёки қисман фойдаланилганда веб-сайт манзили кўрсатилиши шарт!

ишлаб чикилган MD.uz