Partiya Markaziy kengashida &ldquo;Sunʼiy intellektning xatar va foydali jihatlari&rdquo; mavzuida navbatdagi o&lsquo;quv bo&lsquo;lib o&lsquo;tdi.
&nbsp;
&ldquo;Sunʼiy intellekt&rdquo; atamasi o&lsquo;tgan asrning 50-yillarda paydo bo&lsquo;lgan bo&lsquo;lsada, 80-yillarga kelib kashfiyot sifatida eʼtirof etildi. Asrimiz boshlarida esa olimlar ushbu yo&lsquo;nalishga eʼtiborni kuchaytirib, turli dasturlar yaratishni boshladilar. Sohani moliyalashtiradigan yirik kompaniyalar paydo bo&lsquo;ldi. Natijada bu borada yangi texnologiyalar, dasturlar soni keskin oshib, raqobat kuchaydi, sunʼiy intellekt vositalari mukammallashib bordi.
&nbsp;
Tabiiyki, bunday omillar insoniyat oldida &ldquo;Sunʼiy ong xavfmi yoki imkoniyat?&rdquo;, &ldquo;Sunʼiy intellekt&rdquo; rivoji ishsizlikni kuchaytiradimi?&rdquo;, &ldquo;Nahot endi insoniyatni robotlar boshqarsa?&rdquo; kabi javob berishi qiyin bo&lsquo;lgan savollarni tug&lsquo;dirdi. Umuman, O&lsquo;zbekistonda bu borada qanday ishlar qilinmoqda? Aynan qanday sohalarda undan keng foydalanish mumkin?
&nbsp;
O&lsquo;quvda ushbu savollarga batafsil javob qaytarildi. Ayniqsa partiya tizimida &ldquo;Sunʼiy intellekt&rdquo; xizmatidan qanday foydalanish mumkinligini amaliy ishlar bilan ko&lsquo;rsatib berildi.
&nbsp;
Aslan Tajikulov,
partiya Markaziy kengashi yetakchi mutaxassisi

Sunʼiy ong xavfmi yoki imkoniyat?

Partiya Nizomi va Dasturi

Saylovoldi Dastur

Partiya Tarixi

Yoshlar Qanoti

Ayollar Qanoti

Partiya

Partiya Rahbariyati

Markaziy Kengash Ijroiya Qo'mitasi

Markaziy Kengash Nazorat-Taftish Qo'mitasi

Rahbariyat

Oliy Majlis Qonunchilik Palatasidagi Fraksiya A'zolari

Oliy Majlis Senati Partiya A'zolari

Deputatlar

Yangiliklar

E'lon

Foto-galereya

Video galereya

Nuqtai nazar

Gazeta

Ko'p so'raladigan savollar

Matbuot xizmati

Aloqa

Partiyaga a'zo bo'lish

Ta’lim-tarbiya kelajak shakllanadigan soha. Bu yerda kelajakni shakllantiradigan fidoyilar ishlaydi va ular qahramonlardir.

uz Lorem ipsum dolor sit amet consectetur adipisicing elit. Nihil, harum!

Cho‘lponning 17 yoshli shogirdi kim bo‘lganini bilarmidingiz? Uning sho‘rolarni larzaga solgan she’rlarinichi, ularni o‘qiganmisiz? Matluba Muhammadning “Mudom Chorning qo‘lida ko‘p ezilgan millatim”, degan misralar bilan boshlanguvchi she’ri o‘z davrida sho‘ro hukumatini larzaga solgan ekan. Yevropa matbuoti juda ta’sirli bo‘lgan bu she’rni qayta-qayta nashr etgach, sho‘rolar iste’dodli shoira tahsil olayotgan Moskvadagi O‘zbek maorif institutini yopishgan.
 
Darhaqiqat, Matluba xonimning “Kurtulush yo‘linda” nomli she’rida yangragan isyonli ovozi butun bir mamlakatga zarba bergandi. Bu she’rni Sattor Jabbor nemis tiliga tarjima qilgach, o‘tli misralar Yevropa bo‘ylab ham tarqaladi. Sattor Jabbor bu she’r, shoira haqida faxr bilan: “Sho‘rolar qanchalik bosim qilmasin, adabiyotimiz Cho‘lponlarni yetishtirishda davom etmoqda, millatning orzu-maqsadlari shu fidoyi qizning qalbidan otilib chiqmoqda”, deb yozgan edi.
 
Mashhur jadid, marg‘ilonlik muallim Nurmuhammad Dadamuhammedovning qizi Matluba Muhammad o‘z zamonasining iqtidorli yoshlaridan edi. Matluba 1926-yilgacha Qo‘qon bilim yurtida tahsil oladi. 1927-yili o‘qishini Toshkentdagi ayollar bilim yurtiga ko‘chirib, so‘ng opasi Mahbuba Dadamuhammedovaning izidan borib, Moskvadagi O‘zbek maorif institutiga o‘qishga kiradi. U yerda mashhur shoir Cho‘lpon, Botu, Shokir Sulaymonlardan she’riyat sirlarini o‘rganadi. Shokirjon Rahimiy, Qayum Ramazon, Abdulhay Tojiyevlar suhbatidan bahramand bo‘ladi. U ayniqsa, o‘zbek talabalarining ma’rifiy kechalarida Cho‘lponning vatanparvarlik mavzusidagi otashin she’rlarini o‘qib, o‘zi ham shu mavzuda she’rlar yozadi, ko‘p o‘tmay tengdoshlari orasida mashhur bo‘lib ketadi. Uning bu shuhrati Yevropa matbuotigacha yetib boradi. Ayni shu “mashhurlik” sabab Moskvada “Komsomolskaya pravda” gazetasida unga qarshi maxsus maqola chop etiladi. Natijada u o‘qishdan haydaladi. Ko‘p o‘tmay Matluba ariza yozib, o‘ziga qo‘yilgan ayblarning tuhmat ekanini isbotlaydi va o‘qishiga tiklanadi. Bunga bir tomondan O‘zbekiston hukumatining aralashuvi bo‘lsa, ikkinchi tomondan, Matlubaning Italiya elchixonasiga fuqarolik so‘rab murojaat etishi sabab bo‘ladi.
 
Buni qarangki, har bir jadidni jazolashda ustamonlik bilan yo‘l tutgan tuzum “dono”lari Matlubani jazolashning eng oson va ta’sirli yo‘li - O‘zbek maorif institutini yopib muammoga yechim topishadi. Ammo Matluba Muhammad Toshkentga qaytmasdan, Moskvadagi musiqa texnikumiga kirib o‘qishini davom ettiradi.
 
1929-yilga kelib Matluba Leningrad arxitektura instituti talabasi Vosiq Muhammedov bilan tanishadi. Yoshlarning dunyoqarashi, fikrlashlari, orzu-maqsadlari mushtarak bo‘lgani sabab, qolaversa, ko‘ngil amriga quloq tutib, 1933-yili turmush qurishadi. O‘z davrining ancha ilg‘or yigitlaridan bo‘lgan Vosiq Muhammedov (1905-1938) Munavvarqorining “Namuna” maktabi iftixori, Fitratning “Chig‘atoy gurungi” ishtirokchisi va “Ko‘mak” uyushmasining faollaridan edi.
 
Hayotning achchiq nag‘malarini qarangki, ikki yosh hayotidagi eng shirin damlar boshlanayotgan bir paytda - 1937-yilning 17-dekabrida Vosiq Muhammedov qamoqqa olinadi. Qariyb bir yil davom etgan so‘roq-savoldan so‘ng, hech bir aybi isbotlanmagan bo‘lsada, 1938-yil 5-oktyabr kuni otib tashlanadi...
 
Afsuski, turmush o‘rtog‘i hibsga olinganidan roppa-rosa bir yil o‘tib, 1938-yilning 17-yanvar kuni Toshkent tibbiyot institutining 3-bosqich talabasi bo‘lgan Matluba Muhammad ham hibs qilingandi. 19-yanvar kuni bo‘lib o‘tgan ilk so‘roqda u turmush o‘rtog‘ining davlat va xalq oldida hech qanday aybi yo‘qligini bayon qiladi. 1938-yil 21-fevraldagi ikkinchi so‘roqda esa opasi Mahbuba va uning turmush o‘rtog‘i, Germaniyada tahsil olib qaytgan kimyogar olim Sattor Jabbor ham uning aybsizligini aytadi. Biroq turmush o‘rtog‘i Vosiq Muhammedov kabi uni ham biror isbotsiz 1938-yilning 17-may kuni Toshkent viloyat sudi tomonidan 10 yilga qamoqqa hukm etadilar.
 
E’lon qilingan hukmga ko‘ra, Matluba Muhammedova nohaq jazoni sovuq Sibirning Usolskiy lagerida o‘taydi. Faqatgina 1940-yil 26-fevraliga kelib, uning arizasiga binoan, ishi qayta ko‘rilib, oqlanadi. Vatanga qaytgach, urush yillarida yarim qolgan o‘qishini - Tibbiyot institutini tugatadi.
 
Shum taqdirni qarangki, 1937-yili arxitektura instituti talabasi bo‘lgan chog‘ida qamalib ketgan ukasi Fatxulla Vorkuta qamoqxonasidan og‘ir ahvolda qaytadi. Matluba ukasi bilan Namanganga borib yashaydi va ukasini davolaydi. Faqat Stalin vafot etganidan keyingina Toshkentga qaytishadi. Matluba Muhammad ko‘p yillar xalq salomatligi yo‘lida halol mehnat qilib, el-yurt hurmatiga sazovor bo‘ladi. Bir paytlar Vatan ishqida, istiqlol orzusida otashin she’rlar bitgan shoira O‘zbekistonning mustaqillikka erishganini o‘z ko‘zlari bilan ko‘rdi. Jiyanlarining xotirlashicha, u o‘sha kuni ko‘ksi to‘la isyonu alam bilan shukronalar aytib yig‘lagan ekan.
 
Matluba Muhammedova 1998-yili Toshkent shahrida olamdan o‘tgan.
 
Bahrom IRZAYEV,
Qatag‘on qurbonlari xotirasi davlat muzeyi katta ilmiy xodimi,
tarixchi olim
“Milliy tiklanish” gazetasining 2024-yil 8-may sonidan olindi

Matluba va  Vosiq qissasi

Dunyoda geosiyosiy xatar va tahdidlar kuchaygan bir paytda uchinchi bor o‘tkazilgan Toshkent xalqaro investitsiya forumining nufuzi va geografiyasi kengayib, nafaqat O‘zbekiston, Markaziy Osiyo mintaqasi uchun ham eng muhim anjumanga aylandi. Ilk bor o‘tkazilgan forumda 56 davlatdan 2000 ga yaqin investor va yuqori martabali mehmonlar ishtirok etgan bo‘lsa, bu safar mamlakatlar soni 93 tadan, mehmonlar esa 2500 nafardan oshdi. Bu shubhasiz ortga qaytmas muhim o‘zgarishlarga yuz tutgan O‘zbekistonga xalqaro hamjamiyatning ishonchidir.
 
Anjumanda O‘zbekiston Prezidenti Shavkat Mirziyoyev so‘zga chiqib, investitsion muhit, biznesni qo‘llab-quvvatlashdagi muhim tashabbuslar, xorijiy sarmoyadorlar uchun yaratilgan qulayliklar haqida batarfsil ma’lumotlar berdi.
 
“Bizning asosiy maqsadimiz - O‘zbekistonni xorijiy investorlar uchun ishonchli va uzoq muddatli hamkorga aylantirishdir”, - dedi O‘zbekiston yetakchisi.
 
Albatta, mamlakatimizdagi iqtisodiy va sarmoyaviy o‘zgarishlardan forum ishtirokchilari ham juda yaxshi xabardor. Toshkentga kelishdan oldin mamlakatimizdagi real voqeliklarni ming chig‘iriqdan o‘tkazgani aniq.
 
Haqiqatan ham yurtimizda investitsiya va biznes muhitini tubdan yaxshilash, bu yo‘ldagi to‘siqlarni bosqichma-bosqich olib tashlash uchun qat’iy qadamlar tashlanganiga ko‘p bo‘lgani yo‘q. Natijada iqtisodiyotimiz qariyb ikki barobar o‘sdi. Inflyatsiya 9 foizgacha pasayib, savdo aylanmasi muttasil o‘sib boryapti.
 
Valyuta bozori va oltin-valyuta zaxiralari barqarorligi saqlab qolinmoqda.So‘nggi yillarda mamlakatimizda 60 milliard dollardan ziyod xorijiy investitsiya o‘zlashtirilib, xalqaro moliya institutlarining 14 milliard dollardan ortiq mablag‘i ijtimoiy va infratuzilma sohalariga jalb qilindi. O‘tgan yilning o‘zida xorijiy investitsiya hajmi qariyb ikki barobar ko‘paydi.
 
Forumda bu borada yangi qator aniq chora va takliflar ishlab chiqilgani ma’lum qilindi. Jumladan, xorijiy sarmoyadorlar aksiyalardan olinayotgan dividendlar bo‘yicha soliqlardan uch yil muddatga ozod etiladi. Tadbirkorlar barqarorligi reytingi joriy etildi va yuqori reytingga ega subyektlar uchun soliq tekshiruvlari o‘tkazilmaydi. Jahon savdo tashkiloti tartib-qoidalari va standartlariga muvofiq ishlab chiqilgan yangi tahrirdagi “Investitsiyalar to‘g‘risida”gi qonun qabul qilinadi.
 
Tez orada Raqamli texnologiyalar xalqaro markazi huzurida Xalqaro tijorat sudi ish boshlaydi va sanoat zonalari tizimida mutlaqo yangicha yondashuvlar joriy etiladi. Xorijiy sarmoyadorlar uchun yerlarni ijaraga berish muddati 25 yildan 49 yilgacha uzaytiriladi va bunda qonunlar bilan kafolatlangan amaldagi imtiyoz va preferensiyalar to‘liq saqlab qolinadi.
 
Forumda o‘zaro manfaatli hamkorlikka qaratilgan ustuvor yo‘nalishlar haqida ham ma’lumotlar berildi. Bunda mintaqamiz uchun dolzarb bo‘lgan “yashil” energetika masalasi birinchi yo‘nalish sifatida belgilandi. Ayni paytda bu borada 28 ta loyiha ustida ishlar davom ettirilmoqda va 2030-yilgacha qayta tiklanuvchi energiya ulushini 40 foizga yetkazish maqsad qilingan.
 
Shuningdek, bank-moliya, foydali qazilmalar, IT transformatsiyasi yo‘nalishlari ham istiqbolli bo‘lib, bu borada ham qator loyihalar taklif qilindi.
 
Transport infratuzilmasini rivojlantirish ham eng muhim yo‘nalishlardan biridir.
 
Ma’lumki, bu boradagi qator strategik loyihalar - Xitoy-Qirg‘iziston-O‘zbekiston hamda O‘zbekiston-Afg‘oniston-Pokiston temir yo‘llarining bunyod etilishi Markaziy Osiyoni Shimol va Janub, Sharq va G‘arb bilan bog‘laydigan global tranzit markaziga aylantiradi. Ya’ni, bu orqali Buyuk Ipak yo‘li zamonaviy asosda qayta tiklanadi. Eng asosiysi, bu loyihalar dengiz yo‘liga chiqish uchun eng xavfsiz va arzon koridor qidirayotgan mintaqa davlatlari uchun ham o‘ta muhim hisoblanadi.
 
Prezidentimiz tomonidan ilgari surilgan bu kabi taklif va loyihalar ishtirokchilar tomonidan mamnuniyat bilan qarshi olindi. Demak, xalqaro investitsiya forumi va sermahsul muzokaralar amaliy hamkorlikni sifat va mazmun jihatdan mutlaqo yangi, yanada yuksak bosqichga olib chiqishi shubhasiz.
 
Jamshid QOSIMOV,
Oliy Majlis Qonunchilik palatasi deputati
“Milliy tiklanish” gazetasining 2024-yil 8-may sonidan olindi

Buyuk ipak yo‘li zamonaviy asosda qayta tiklanadi

Agar insoniyatni donishmandlar, oqillar, adiblaru ulamolar hamda avliyolaru, payg'ambarlar yaxshi kelajak sari yetaklamasa, yetaklanuvchilarning to'g'ri yo'lni topa olmay qolish ehtimoli bor.
 
Bobur hazratlarning quyidagi bir satri uzoq yillardan beri tilimda aylanib yuradi: «Yo‘lini ne bilgay odam gar rahnoma ko‘rsatmasa...» Demak, ustoz degan tushunchamizning juda bebaho, qimmatli va insoniy jihatdan eng yuqori mavqeda turgan yana bir sinonimi bu -rahnamo.
 
O‘qituvchi biz va siz bilan gaplashayotgan ustozlarni ustozi bo‘ladi. Ustozni hatto ota-onadan ham yuksakroq darajada e’zozlash va hurmat qilishga to‘g‘ri keladi. Agar shunday jamiyat qurilmasa, bu jamiyat halokatga giriftor bo‘ladi. Har qanday o‘quvchi kimning farzandi ekani, otasining qancha molu, dunyosi borligidan qat’iy nazar o‘qituvchiga hurmatsizlik qildimi, bu - fojia.
 
Men o‘qituvchiga bo‘lgan hurmatsizlikni aqlimga sig‘dirolmayman. Biz yosh bo‘lgan davrlarda ustozga munosabat boshqacha edi. O‘qituvchini ota-onadek, hatto undan ziyoda hurmat qilardik, undan yaxshi ma'noda hayiqardik. Chunki o'qituvchining bilimlarini, o'rgatadigan saboqlarini hamma vaqt ham ota-onadan ololmaymiz. Lekin o'qituvchi mutaxassis bo'lgani uchun sizga bor ilmini bag'ishlab, kelajagingizni, yo'lingizni ta'minlab qo'yadi.
 
Demoqchimanki, Ustoz bor joyda hayot bor, kelajak bor, taraqqiyot bor.
 
Yaxshi tarbiya, xushxulqni ham eng avvalo oilada, so‘ng aziz muallimlardan o‘rganamiz. Ular orqali qalbimizni tarbiyalaymiz va dunyoning eng dohiyona kitoblari olamlariga kirib borib, tuyg‘ularimizni charxlaymiz, ularning odamiy tuyg‘ular bo‘lishiga intilamiz. Shuning uchun ham doimo o‘qituvchilarimizni minnatdorlik bilan eslaymiz.
 
O‘qituvchi - oyog‘iga bosh qo‘yib, ta’zim qilsa arziydigan kasb egasi. Shu ma’noda o‘qituvchini e’zozlagan inson hech qachon kam bo‘lmaydi va uni insonlik martabasi doimo ortib boraveradi.
 
Ibrohim GOFUROV,
O‘zbekiston Qahramoni,
“Milliy tiklanish” demokratik partiyasi faxriysi
“Milliy tiklanish” gazetasining 2024-yil 8-may sonidan olindi

Ustoz

6-may kuni Prezidentimiz Shavkat Mirziyoyev huzurida oliy ta’lim tizimida olib borilayotgan islohotlar muhokama qilindi.
 
Yangi O‘zbekistonda ta’limga, jumladan, kadrlar tayyorlash ixtisoslashgan tizim - oliy ta'limg davlat siyosati darajasida e’tibor qaratilayotgani bejiz emas.
 
Zero, 5-6 yilgina avval ertangi kunga bo‘lgan ishonchini batamom yo‘qotgan, ming harakat qilsa, ming yonsa ham 3-4 million so‘mdan ortiq maosh ololmaydigan, o‘qituvchilar ana shu tizimning qurboniga aylanib qolgandilar. Paxta mavsumidagina esga olinib, so‘ngra “faollikka chorlanadigan” ushbu qatlam vakillari qo‘lida ta’lim-tarbiya olgan avlod esa taqdiriga tan berishdan nariga o‘tolmasdi.
 
Keyingi yillarda Davlat rahbarining ta’lim tizimidagi ana shunday og‘riqli muammolar yechimi bilan shaxsan shug‘ullangani natijasida tizimga nisbatan munosabat tubdan o‘zgardi.
 
Sohani tark etgan minglab pedagoglar yana tizimga qaytdilar, ilmiy ishlar yana rag‘batlantirila boshlandi...
 
Yig‘ilishda tizimdagi o‘zgarish va yangilanishlar e’tirof etilsa-da, haligacha mamlakat oliy ta’lim tizimi jiddiy islohotlarga muhtoj ekani, oliygohlarning zamonaviy talablarga javob beradigan mutaxassislar tayyorlab berolmayotgani singari dolzarb muammolarga yangi kun nazari bilan qaraldi.
 
Eng asosiysi, oqibatlarga emas, ularni keltirib chiqarayotgan sabablarga birlamchi e’tibor qaratildi. Xususan, ta’lim islohotlari hayot-mamot islohotlari ekani har qadamda takrorlansa-da, shaxsiy manfaatini yosh avlod manfaatidan ustun qo‘yayotgan ayrim mutasaddilarning mas’uliyatsizligi sabab zamon taqozo etayotgan yangi kasblar haqida nomigagina o‘ylanyapti, xolos. Eng yomoni, bugungi yoshlarning ishonchi, intilishlari ana shunday o‘tkinchi manfaatlar yo‘lida qurbon qilinyapti. Islohotlarni o‘zining o‘ta tor qarashlari bilan o‘lchashga odatlangan ba’zi bir o‘qituvchilar, professorlar, hatto rektorlar afsuski, yaratib berilgan imkoniyat va imtiyozlarni shaxsiy tomorqasi tomon burishgagina yarayaptilar.
 
Ma’lumki, ta’lim doimiy tarzda rivojlanib, yangilanib boradigan jarayondir. Sohadagi islohotlarni jadallashtirish maqsadida, Davlatimiz rahbarining shu yil 2-fevraldagi qaroriga asosan “Ta’lim sohasida loyihalar markazi” loyiha ofisi tuzilgan edi. O‘tgan vaqt mobaynida ushbu idora tomonidan vazirliklar bilan birgalikda o‘quv jarayonlarini yangi tamoyillar asosida tashkil etish, kadrlar salohiyatini oshirish, ta’lim xizmatlari sifatini xalqaro standartlar darajasiga ko‘tarish bo‘yicha chora-tadbirlar hamda istiqbolli tashabbuslar ishlab chiqildi.
 
Ammo ana shunga qaramay, shu kungacha bakalavriatda 306 ta, magistraturada esa 625 ta mutaxassislikning bir qismi xalqaro standartlar va zamonaviy mehnat bozori talablariga mos kelyapti, xolos.
 
Shuningdek, 100 dan ortiq bakalavriat yo‘nalishi va magistratura mutaxassisliklarining maydalashib ketgani natijasida bitiruvchilarda tegishli malaka to‘liq shakllanmayapti, bu esa kelgusida ularning ishga joylashishlarida jiddiy muammolarni keltirib chiqarishi muqarrar.
 
Yana bir muammo: aniq fanlar bo‘yicha pedagogika yo‘nalishidagi o‘quv dasturlarining atigi 50 foizi soha bo‘yicha bilimlarni shakllantirishga qaratilganini qanday tushunish mumkin? Shu bilan birga ushbu yo‘nalishlarning ikkita fan sohalarida takrorlanishi bitta mutaxassisga nisbatan turli malaka talablarining belgilanishiga olib kelyapti.
 
Yig‘ilishda ana shunday kamchiliklarni bartaraf etish maqsadida ta’limning xalqaro tasnifi, ilg‘or xorijiy tajriba asosida bakalavriat va magistratura yo‘nalishlarini qayta ko‘rib chiqish hamda ayni paytda talab yuqori bo‘lgan sohalarda yangi yo‘nalishlar ochish bo‘yicha topshiriqlar berildi.
 
Yig‘ilishda ta’lim jarayonlarini raqamlashtirgan holda dekanatlar va boshqa ma’muriy tuzilmalarni optimallashtirish masalasi ham muhokama etildi. Shu nuqtayi nazardan, 1-sentyabrga qadar o‘quv jarayonlarini to‘liq qayta ko‘rib chiqib, yangi tizimni joriy etish bo‘yicha ko‘rsatmalar berildi. Keyingi asosiy masala bu -oliy ta’limga qabul tizimini yanada adolatli tashkil etish va davlat grantlarini iqtidorga yo‘naltirish masalasi bo‘ldi.
 
Chunki hozirgi qabul tizimi, kvotalarning taqsimlanishi raqobatni to‘liq ta’minlamayapti. Ayrim abituriyentlar yuqori ball to‘plasa-da, imtihon topshirgan oliygohining kvotasi soniga qarab, o‘qishga kirolmay qolish hollari kuzatilyapti.
 
Endi yangi tartibga ko‘ra, muayyan bir yo‘nalishga ajratilgan davlat granti doirasida yuqori ball to‘plagan abituriyent, tanlagan oliy ta’lim muassasasidan qat’i nazar, davlat grantiga tavsiya etiladi. Ya’ni, yuqori ball olgan yoshlar albatta, o‘qishga kiradilar.
 
Yig‘ilishda e’lon qilingan yana bir yangilik barchani, ayniqsa, bilimli yoshlarni quvontirishi aniq: endi davlat granti 4 yilga bitta talabaga emas, balki har yili yuqori baholarga erishgan talabalar orasida qayta taqsimlanadi.
 
Davlatimiz rahbari tomonidan bu tizimni adolatli yo‘lga qo‘yish, yoshlar va ota-onalarga yetkazish zarurligi qayta-qayta ta’kidlandi. Yig‘ilishda yana bir jiddiy muammoga e’tibor qaratildi: yurtimizdagi ayrim mezonlar xalqaro standartlar va ish beruvchi talablarga to‘liq mos kelmayapti. Mehnat bozoridagi 8 mingga yaqin ishchi kasbidan 5 mingdan ortig‘i bo‘yicha malaka standartlari ishlab chiqilmagan. Eng taajjublanarlisi, borlari ham aniq va sifatli emas. Malakani baholash markazlarida esa haligacha sertifikatlash yo‘lga qo‘yilmagan. Milliy malaka tizimiga doir hujjatlar esa hamon eskicha shakllarda yuritilyapti, ya’ni elektron platformalarga o‘tilmagan.
 
Shu bois, Davlatimiz rahbari tomonidan mutasaddilar oldiga Milliy malaka tizimini rivojlantirish institutini tashkil etib, ish beruvchilar bilan birga malaka talablarini to‘liq ishlab chiqish vazifasi qo‘yildi.
 
- Bu aholi bandligiga bevosita daxldor masala. Shuning uchun bu borada qonunlar ishlab chiqib, vazirlik va idoralar mas’uliyatini belgilash, ijrosi ustidan nazoratni kuchaytirish kerak, - dedi Yurtboshimiz.
 
Taqdimotda muhandislik sohasidagi ta’lim sifati bilan bog‘liq masalalar ham tahlil qilinib, mamlakatimizda yiliga 3 mingdan ziyod sanoat korxonalari tashkil etilayotgani, 146 ming ish o‘rni yaratilib, ularda yiliga 25 mingdan ziyod muhandis va texnologlarga ehtiyoj borligi ma’lum qilindi.
 
To‘g‘ri, bu yo‘nalishda 33 ta davlat oliygohida kadrlar tayyorlanyapti, ammo ta’lim sifati bugungi kun talablari darajasida emas. Eng yomoni, jahon miqyosida tan olingan xorijiy universitetlarda allaqachon o‘qitilmayotgan fan va mutaxassisliklar hali ham bizda o‘qitilmoqda. O‘quv reja va dasturlarining qariyb yarmi mehnat bozori va xalqaro standartlarga javob bermaydi. Afsuski, bunday og‘riqli holatlarga uzoq vaqt nomigagina e’tibor qaratildi, xolos.
 
Majlisda qanchadan-qancha yangi kasblarga ehtiyoj sezilayotgan bo‘lsada, o‘sha kasblarni o‘qitadigan pedagoglarning o‘zlari hali to‘la shakllantirilmaganigacha tilga olindi.
 
Bular tizim mutasaddilaridan, barcha pedagoglardan, ayniqsa, o‘zlarini ta’lim tizimi ustunlari sanayotgan rektorlardan juda katta mas’uliyat talab etadi. Shubha yo‘qki, davlatning ertangi kuni taqdirini bugungi yosh kadrlar hal qiladi. Lekin ularga millat, Vatan kelajagini qay darajada ishonish mumkin? Shu ma’noda ham ushbu yig‘ilish tizimdagi loqayd kimsalar yuziga oyna tutgandek bo‘ldi.
 
Yig‘ilishda qatnashgan “Milliy tiklanish” demokratik partiyasi Markaziy kengashi raisi Alisher Qodirovning fikricha, mamlakat taraqqiyoti, kelajagi, barqarorligi kuchli kadrlarga bog‘liq. Prezident bu masalani bejizga yana ko‘targani yo‘q. Davlat rahbari tomonidan ilgari surilgan g‘oya va tashabbuslar, bildirilgan takliflar sohada juda jiddiy islohotlar o‘tkazishni talab qilyapti. Bu jarayon esa o‘z navbatida parlamentdan, siyosiy partiyalar va jamoatchilikdan samarali foydalanish hamda sohaga oid qonunchilikni takomillashtirishni taqozo etadi.
 
Yig‘ilishda tilga olingan fikr-mulohaza va o‘z vaqtida bildirilgan takliflarni tahlil qilib, sohaga aloqador qonunlarimizni tezda takomillashtirish, ishlamayotganlarini esa ishlaydiganlari bilan almashtirish kerakligini anglab yetdim va partiyamiz albatta, bu narsalarni o‘z zimmasiga olishi lozimligini tushundim.
 
Ayniqsa, Parlament huzuridagi ta’lim komissiyasi raisi va ta’limni, tarbiya va ziyolilar qatlamini himoya qilayotgan partiya vakili sifatida ana shunday og‘riqli masalalar yechimini kechiktirib bo‘lmasligini yanada chuqurroq his qildim, - dedi Alisher Qodirov. Zotan, partiyamizning 2020 - 2024-yillarga mo‘ljallangan Saylovoldi dasturida ham mamlakatimiz oliy ta’limini jahon ta’lim va ilmiy hamjamiyatiga integratsiyalashish, zamonaviy talablarni to‘la o‘zlashtirgan yetuk mutaxassislar tayyorlashni yanada kengaytirish bo‘yicha bir qator vazifalar belgilangan. Shu ma’noda, oliy ta’lim rivoji bo‘yicha belgilangan vazifalar ijrosini ta’minlash, bu borada taklif va tashabbuslarni ilgari surishda o‘z faoliyatimizni tanqidiy tahlil qilish lozimligini tushundim.
 
Ravshan MAHMUDOV,
“Milliy tiklanish” muxbiri
“Milliy tiklanish” gazetasining 2024-yil 8-may sonidan olindi

Oliy ta’limdagi islohotlar milliy taraqqiyotning keyingi bosqichini belgilab beradi

“Xotira – kechagi o‘tmishni, ajdodlar o‘gitini, milliy merosimizni anglatib turuvchi muqaddas kitob zarvaraqlaridek hayotimizni yoritib turadi. Qadr – insonni yuksaklikka ko‘taradi, uning faoliyatiga, orzu-intilishlariga, maqsad-maslaklariga oliyjanoblik bag‘ishlaydi”, – degan edi O‘zbekiston Prezidenti Shavkat Mirziyoyev.
 
Haqiqatan ham inson, millat va xalq tarixiy xotira tuyg‘usi bilan barhayotdir. Bukilmas iroda va jasorat namunasini amalda namoyon etib, o‘z hayotini aziz Vatanimizning har tomonlama ravnaq topishi, bugungi tinch va osoyishta kunlari uchun jonini fido qilgan ajdodlarning muqaddas xotirasini yod etish bu bizning maqsad va vazifamizdir.
 
Mana shunday insonlardan biri hayotining qariyb 50 yilini vatan ravnaqi, yosh avlodning kelajagi uchun baxshida qilgan vatandoshimiz, “Milliy tiklanish” demokratik partiyasidan saylangan Xalq deputatlari Bo‘ston tuman Kengashi deputati marhuma Soy Galina Timofeyevnadir.
 
Taʼkidlash lozim, Soy Galina Timofeyevna xotirasini abadiylashtirish maqsadida viloyat Kengashi tomonidan bir qator ishlar amalga oshirib kelinmoqda. Jumladan 9-may – Xotira va qadrlash kuni munosabati bilan Bo‘ston tumani hokimligi hamda Prezident taʼlim muassasalari huzuridagi Bo‘ston ixtisoslashtirilgan maktabi bilan hamkorlikda “Inson aziz, xotira muqaddas" mavzusida xotira kechasi tashkil etildi.
 
Tadbirda Soy Galina Timofeyevnaning xotirasiga bag‘ishlangan videorolik namoyish etildi. Shundan so‘ng marhumaning hayotiga bag‘ishlangan uchrashuv tashkil etilib, unda so‘zga chiqqanlar onaxonning hayot yo‘li, o‘z kasbiga sadoqati, yosh avlodni vatanparvarlik ruhida tarbiyalash borasida olib borgan fidokorona mehnati, deputatlik faoliyati, tumanda taʼlim sohasini rivojlanishiga qo‘shgan hissasi to‘g‘risida maʼlumotlar berdilar.
 
Shu kuni Soy Galina Timofeyevna xotirasi muzeyining ochilish marosimi ham bo‘lib o‘tdi.
 
Mirjalol To'lqinjonov,partiyaning Andijon viloyati kengashi bosh mutaxassisi

“Inson aziz, xotira muqaddas"

Maʼlumki, har yili mamlakatimizda 9-may – Xotira va qadrlash kuni umumxalq bayrami sifatida keng nishonlanadi.
 
Darhaqiqat, inson xotira bilan tirik, qadr bilan barhayot. Bugungi tinch va osoyishta kunlarimiz uchun jonini fido qilgan yurtdoshlarimiz xotirasini eʼzozlash, keksalarimiz duolarini olish xalqimizga xos ulug‘ fazilatlardan biri sifatida qadrlanadi, eʼzozlanadi. Shu maʼnoda, xotira va qadrlash anʼanalari asriy va umuminsoniy qadriyatlarimiz bardavomligini taʼminlashda muhim ahamiyat kasb etadi.
 
Sana munosabati bilan Ikkinchi jahon urushida front va front ortida xizmat qilgan hamyurtlarimiz holidan xabar olish maqsadida tashkil etilgan uchrashuvlarda mard, jasur va fidoyi ota-bobolarimiz qatorida Muhammad boboning jasorati ham alohida tahsinga loyiqligiga yana bir bor amin bo‘ldik.
 
Katta hayotiy tajribaga ega bo‘lgan keksa otaxon va onaxonlarimizning yuz-ko‘zlarida esa shukronalik kayfiyatini ko‘rdik. Ular xotiralari, hayotiy tajribalarini  yana bir bor varaqlab, o‘sib kelayotgan navqiron avlod vakillariga haqiqiy vatanparvar bo‘lib taʼlim-tarbiya olishlarini tiladilar. 
 
Darhaqiqat, ular tirik tarixdirlar, ularning o‘gitlari, har bir ezgu amali va aytgan so‘zlari oltinga tengdir. Ular bilan hamisha faxr tuyamiz! Tinch-osuda kunlarimizning qadriga yetib, shukronalik bilan yashaylik.
 
Maqsud MUXAMMEDOV,partiyaning Buxoro viloyati Kengashi raisi

Bizni mehr birlashtiradi!

Partiyaning Sirdaryo viloyati Kengashi tashabbusi bilan Guliston shahrida “Inson o‘zgarsa – jamiyat o‘zgaradi" mavzusida olim va ijodkorlar bilan mahalla faollari hamda yosh avlod uchrashuvi bo‘lib o‘tdi.
 
O‘zbekiston mahallalar uyushmasi Sirdaryo viloyati hududiy boshqarmasi hamkorligida o‘tkazilgan tadbirda viloyat Kengashi raisi Norbobo Soatov so‘zga chiqib, xalqimiz manfaati yo‘lidagi islohotlar natija berishi uchun avvalo o‘zimiz o‘zgarishimiz lozimligini taʼkidladi. Shuningdek, yoshlarni yaratilgan imkoniyatlardan samarali foydalanishga, tinimsiz o‘qib, izlanishga chaqirdi.
 
– Odamning qorni bir kosa ovqatga to‘yishi mumkin, lekin mutolaadan to‘ygan inson bo‘lmasa kerak, – dedi Norbobo Soatov.
 
Tadbirda olim va ijodkorlar ham so‘zga chiqib, so‘nggi yillarda ilm-fan, madaniyat va sanʼat rivoji yo‘lida amalga oshirilayotgan o‘zgarishlar haqida gapirdi, butun jamoatchilik islohotlarda shunchaki kuzatuvchi emas, tashabbus va g‘oyalar bilan faol qatnashishi lozimligini taʼkidladilar.
 
Uchrashuvda Sirdaryoning zabardast farzandlari shoira Halima Xudoyberdiyeva hamda To‘ra Sulaymon hayoti va ijodi haqida fikr-mulohazalar bildirildi.