Tinch va osuda hayotimiz kafolati

Navoiy viloyatining Nurota tumanida o‘tgan tadbirda Oliy Majlis Qonunchilik palatasi deputati Kozim Tojiyev hamda Navoiy viloyati Kengashi raisi Ilhom Rajabovlar so‘zga chiqib, yangilanayotgan Konstitutsiya mamlakatimizning evolyutsion rivojlanishidan kelib chiqayotgan hayotiy zarurat ekani, bu millat va davlat sifatida keyingi qadamlarimizni belgilab olish, adolatli jamiyat qurish yo‘lidagi ulkan qadamligini taʼkidladilar.

– Konstitutsiyamiz zamondan orqada qolib ketmasagina, u shiddat bilan olib borilayotgan islohotlarimizning huquqiy asosi bo‘lib xizmat qiladi, tinch va osuda hayotimizning kafolati bo‘la oladi, – dedi Ilhom Rajabov tadbir ishtirokchilarini Bosh Qonunga kiritilayotgan o‘zgartirishlar bilan tanishtirar ekan.