Adolatli, erkin jamiyat qurish yo‘lidagi ulkan qadam

Marg‘ilon shahrida Konstitutsiyaviy qonuni loyihasi yuzasidan o‘tkazilgan targ‘ibot uchrashuvida so‘zga chiqqan Oliy Majlis qonunchilik palatasi deputati Sherzod Rahimov yangilanayotgan Bosh Qonunning mazmun-mohiyati, kiritilayotgan o‘zgarishlar, 30-aprelga belgilangan referendum haqida maʼlumotlar berdi. 

– Inson qadrini ulug‘lash g‘oyasi asosida ishlab chiqilgan Konstitutsiya loyihasi ikki bosqichda tayyorlangani, uni shakllantirishda 200 mingdan ortiq takliflar tushgani va ularning har to‘rttadan biri inobatga olingani yangilanayotgan Konstitutsiya tom maʼnoda xalq Konstitutsiyasiga aylanayotganidan darak beradi, – dedi Sherzod Rahimov. 

Targ‘ibot tadbiri ishtirokchilari ham so‘zga chiqib, amaldagi Konstitutsiyaga kiritilayotgan o‘zgarishlar adolatli, erkin jamiyat qurish yo‘lidagi ulkan qadam ekanini taʼkidladilar.