Islohotlarimizning huquqiy asosi mustahkamlanyapti

Andijon viloyati:

Konstitutsiyaviy qonun loyihasi targ‘iboti bo‘yicha Jalaquduq tumani aholisi bilan uchrashgan xalq deputatlari Andijon viloyat Kengashi deputati Zarduna Ismoilova bugun dunyoda kuzatilayotgan o‘zgarishlar asnosida jonajon Vatanimiz ham o‘zgarayotganini taʼkidladi.  

– Bu o‘zgarishlarni yangi bosqichga ko‘tarish, huquqiy asosini mustahkamlash maqsadida Konstitutsiyaviy islohotlarga alohida eʼtibor qaratilmoqda. Jumladan, yangilanayotgan Bosh Qonunimizga “inson – jamiyat – davlat” degan g‘oya singdirilmoqda, inson manfaati har narsadan ustun qo‘yilyapti, – dedi Z.Ismoilova.

Yangi tahrirdagi Konstitutsiyaga yoshlar bilan bog‘liq alohida bob kiritilib, kelajagimiz egalarining taʼlim olishi, ijtimoiy va tibbiy himoyasi, uy-joyli bo‘lishi, bandligi uchun shart-sharoitlar yaratish – konstitutsiyaviy majburiyat sifatida belgilab qo‘yilayotgani alohida eʼtirof etildi.