Madaniy-ma'naviy va tabiiy boyliklar umummilliy boylikdir

Navoiy viloyati:

“Milliy tiklanish” demokratik partiyasi fraksiyasi aʼzolaridan iborat Oliy Majlis Qonunchilik palatasi deputatlik guruhi Navoiy viloyatida bo‘lib, bir qator sanoat obyektlarida uchrashuvlar o‘tkazdi.

Jumladan, Navoiy kon-metallurgiya kombinati mehnat jamoasi bilan bo‘lgan uchrashuvda yangilanayotgan Konstitutsiya hamda 30-aprelga belgilangan referendum bilan bog‘liq masalalar muhokama qilindi. Deputat va kombinat ishchi-xodimlari yer qaridagi barcha boyliklar umummilliy boylik, butun xalqimizga tegishli resurs ekanini belgilab beruvchi konstitutsiyaviy normaning muhimligini taʼkidladilar. Butun qazib olish sanoati mamlakatimiz, yurtimizning har bir fuqarosi manfaatlari yo‘lida ishlashini taʼminlash muhim ahamiyatga egaligini qayd etdilar.

Deputatlarning mahalla faollari bilan bo‘lgan uchrashuvlarida odamlarning turmush sharoitlarini yaxshilash masalalariga eʼtibor qaratildi. Samarali boshqaruv tizimini yanada takomillashtirish bo‘yicha yangilanayotgan Bosh Qonunga kiritilayotgan o‘zgarishlar haqida o‘zaro fikr almashildi.