Yangiliklar


73

Yakuniy hisobot

Maʼlumki, O‘zbekiston Respublikasi Saylov kodeksining 100-moddasiga ko‘ra, Siyosiy partiyalarning saylovda ishtirok etishini moliyalashtirish belgilangan tartibda Davlat byudjetining ana shu maqsadlar uchun ajratiladigan mablag‘lari hisobidan amalga oshiriladi.  

Shu yilning 24-oktyabr kuni bo‘lib o‘tgan O‘zbekiston Respublikasi Prezidenti saylovi uchun umumpartiyaviy tadbirlar va siyosiy partiya tomonidan ko‘rsatilgan nomzodlarning saylovoldi tashviqoti va targ‘ibot ishlarini amalga oshirishga har bir nomzod uchun 3 097 200 ming so‘m mablag‘ ajratilgan edi.

“Milliy tiklanish” demokratik partiyasi Markaziy kengashi ushbu mablag‘ hisobidan saylovoldi tashviqoti bo‘yicha amalga oshirilgan xarajatlar yuzasidan yakuniy hisobotini eʼlon qildi. Ushbu mablag‘ni kuyidagi maqsadlar uchun xarajat qilindi.

Jumladan, partiya tomonidan ommaviy axborot vositalari orqali saylovoldi tashviqoti uchun 439 357,5 ming so‘m xarajat qilingan bo‘lsa, tarqatma materiallar uchun ketgan xarajatlar 2 472 200,7 ming so‘mni, saylovchilar bilan uchrashuvlar xarajati 12 026,7 ming so‘m, tashviqotining boshqa shakllari va usullariga ketgan xarajatlar esa 3 164,8 ming so‘mni tashkil qildi. Byudjetdan ajratilgan mablag‘ qoldig‘i 170 450,3 ming so‘mni tashkil qildi va bu mablag‘ Markaziy saylov komissiyasiga topshirildi. Shuningdek, natura ko‘rinishidagi davlat ko‘magi 3 290 439,2 ming so‘mni tashkil qildi va bunda televideniye-radio orqali tashviqot ishlari amalga oshirildi.

“Milliy tiklanish” demokratik partiyasi

Markaziy kengashi