“Milliy tiklanish” demokratik partiyasi Markaziy kengashi tomonidan o‘tkazilgan “Yangi nigoh” videoroliklar tanlovi bo‘yicha
MA’LUMOT

“Milliy tiklanish” demokratik partiyasining 2025-2029 yillarga mo‘ljallangan Saylovoldi dasturining 2.2. Madaniy meros muhofazasi, undan foydalanish, tashkiliy-huquqiy asoslari yo‘nalishi hamda 4.2. Milliy turizmni rivojlantirish yo‘nalishlarida belgilangan vazifalar ijrosini ta’minlash hamda mamlakatimizdagi madaniy meros obyektlarini muhofaza qilish va keng targ‘ib etishga qaratilgan “Yangi nigoh” videoroliklar tanlovini e’lon qilgan edi.

Tanlovning asosiy maqsadi O‘zbekistonning madaniy meros obyektlarini keng targ‘ib etish, ta’mirga muhtoj, yo‘qolib ketishi yoki buzilish xavfi yuqori bo‘lgan madaniy meros obyektlarini aniqlash va muhofaza qilish, O‘zbekistonning madaniy meros obyektlariga doir eng yaxshi sharhlarni tayyorlash orqali videoroliklar yordamida mamlakatning turizm salohiyati to‘g‘risida keng jamoatchilikni xabardor qilish, yurt tarixiga qiziqish va hurmatni uyg‘otish, aholini milliy urf-odat va qadriyatlarni asrab-avaylashga undash hamda O‘zbekistonning turizm salohiyatiga taalluqli kontentni yaratishdan iborat.

Tanlovga taqdim etiladigan videoroliklar quyidagi mavzu yo‘nalishlarida bo‘lishi tavsiya etilgan:

- O‘zbekiston xalqining boy tarixi va madaniyatini aks ettiruvchi aholiga ma’lum bo‘lmagan hamda yo‘qolib ketishi yoki buzilish xavfi yuqori bo‘lgan madaniy meros obyektlari haqidagi tahliliy ma’lumotlarni o‘zida mujassam etishi;

- aholining madaniy meros obyektlariga bo‘lgan e’tiborini va ehtiyotkorona munosabatini shakllantiruvchi tarixiy ma’lumot hamda ishonchli ilmiy manbalarga asoslangan sharhlarni tayyorlash;

- madaniy merosni asrab-avaylash ulardan oqilona foydalanish hamda yurtimizda sayyohlik salohiyatini oshirishga qaratilgan tashabbuslarni ilgari surilishi;

- mamlakatimizdagi tarixiy joylar, qadimiy shaharlar, tarixiy-me’moriy yodgorliklar, me’moriy majmualar, obidalarni yorituvchi sayyohlik yo‘nalishlarini ko‘rsatish;

- mamlakatimizda ekoturizm asosini tashkil etuvchi tabiatning mo‘jizali manzaralari, maskanlari, daryolari, ko‘llari, milliy tabiat bog‘lari va biosfera rezervatlari, boy hayvonot va nabotot olamining qiziqarli hodisalarini aks ettirish;

- yurtimizning bog‘lari, to‘kin dasturxoni, milliy taomlari, xalqimizning mehmondo‘stligini ko‘rsata olish;

- milliy an’analar va bayramlar, hunarmandchilik mahsulotlari, milliy o‘yinlar, sayillar jarayonini tasvirlash.

Ishtirokchilar tomonidan video materiallar partiya rasmiy kanali orqali @Yanginigoh_murojaatda qabul qilindi. Tanlovga Nizom asosida belgilangan yo‘nalishlar doirasida jami 285 ta ijodiy ishlar kelib tushdi.

Jumladan,

- “Ta’mirga muhtoj, yo‘qolib ketishi yoki buzilish xavfi yuqori bo‘lgan madaniy meros obyektlari haqidagi tahliliy videorolik” yo‘nalishiga 102 ta,

- “O‘zbekistonning madaniy meros obyektlariga doir eng yaxshi videosharh” yo‘nalishiga  113  ta,

- “O‘zbekistonning eko va gastronomik turizm salohiyatini namoyon etgan eng yaxshi videorolik” yo‘nalishiga  38 ta,

- “Milliy qadriyat va urf-odatlarni targ‘ib etuvchi eng yaxshi videorolik” yo‘nalishiga 32 ta.

Ishtirokchilar tomonidan yuborilgan videoroliklar tanlovning hakamlar hay’ati tomonidan saralanib, partiyaning ijtimoiy tarmoqlardagi rasmiy sahifalari orqali jamoatchilikka taqdim etildi va ovoz berish orqali g‘oliblarning o‘rinlari aniqlandi.

Tanlov g‘oliblari, shuningdek saralash bosqichida ijodiy ishlar ovozga qo‘yilgan ishtirokchilar Oliy Majlis Qonunchilik palatasi deputatlari hamda hududiy partiya tashkilotlari tomonidan ularning istiqomat joyi, ta’lim muassasasi yoki ish joyiga borib taqdirlanadi.

MTDP Markaziy kengashi tomonidan o‘tkazilgan “Yangi nigoh” videoroliklar tanlovi ishtirokchilari
RO‘YXATI

Saralash bosqichida ishtirok  etganlar: