Qonunchilik palatasi deputati Vasila Fayziyeva Toshkent shahar Kengashi vakillari hamrohligida Yangihayot tumanidagi 2-sonli maktab jamoasi bilan uchrashdi. Bitiruvchilarning oliy taʼlim bilan qamrovi, kasb-hunar o‘rganishi, shuningdek, kutubxona va sport zali sharoitlari bilan tanishdi. Maʼlum bo‘lishicha, o‘quvchilar darsliklar bilan to‘la taʼminlangan. Oliy taʼlim bilan qamrov 69 foizga yetgan.

Deputat Jahon iqtisodiyoti va diplomatiya universitetida ham nazorat-tahlil tartibida o‘rganishlar olib bordi. Kutubxona, o‘quv xonalari, talabalar yotoqxonasi, talabalarning innovatsion loyihalari bilan tanishdi. Hozir universitetda 3000 dan ortiq talaba tahsil olmoqda. Ular orasida Kanada, Yaponiya, Xitoy, Janubiy Koreya, Rossiya va qo‘shni davlatlar yoshlari ham bor. Ularga 160 nafardan ortiq professor-o‘qituvchilar tahsil bermoqda.