Yangiliklar


297

Diqqat tanlov!

25-noyabr - Xalqaro ayollarga nisbatan zo‘ravonlikka qarshi kurashish kuni munosabati bilan “Milliy tiklanish” demokratik partiyasi tomonidan ilk bor yurtimiz oliy o‘quv yurtlari talaba-qizlari – yosh olimalar  o‘rtasida “XXI asr ayoli” Respublika ko‘rik-tanlovi o‘tkazilmoqda. 

 

Ayni kunlarda yoshlarning ijtimoiy-siyosiy faolligini oshirishga qaratilgan mazkur tanlovning hududiy bosqichlari bo‘lib o‘tmoqda.

 

Tanlov Nizomi hamda shartlari bilan tanishing:

 

 

 

 

 

(Намуна)

 

 

 

Ўзбекистон “Миллий тикланиш” демократик партияси

(_______   вилоят, шаҳар) кенгаши раиси

 

_____________________________ га

 

 

 

 

 

АРИЗА

 

 

 

___________________________ томонидан ўтказилаётган  “XXI аср аёли” Республика кўрик-танловининг  (вилоят, шаҳар) босқичида  иштирок этишга рухсат беришингизни сўрайман.

 

                                       (имзо)  Ф.И.О  сана

 

 

 

 

 

 

 

 

 

 

 

“XXI аср аёли” Республика кўрик-танловини ўтказиш

тартиби тўғрисида

НИЗОМ

 

Мазкур Низом Ўзбекистон “Миллий тикланиш” демократик партияси томонидан ҳудуддаги олий ўқув юртлари талаба-қизларининг   ижтимоий-сиёсий фаоллигини ошириш мақсадида улар ўртасида “XXI аср аёли” Республика кўрик-танловини (бундан кейинги ўринларда танлов деб юритилади) ўтказиш тартибини белгилайди.

 

I. Умумий қоидалар

 

1. Мазкур танловда иштирок этадиганлар рўйхати ушбу Низомда белгиланган тартибда ташкилий қўмита томонидан шакллантирилади.

2. Танлов МТДП Марказий кенгаши томонидан ташкил этилади ҳамда ғолиб бўлган хотин-қизлар партиянинг ҳудудий ва Марказий кенгашлари томонидан қўллаб-қувватланади.

3. Ушбу танлов мамлакатимиздаги истеъдодли талаба-қизларни кашф этиш, уларнинг маънавий, ҳуқуқий ва сиёсий маданиятини юксалтириш, ёш сиёсий етакчиларни шакллантириш, уларни қўллаб-қувватлаш ва рағбатлантиришга қаратилган.

4. Танловнинг асосий мақсади – Янги Ўзбекистонни барпо этиш, Инсонни ўзгартириш орқали жамиятни  ўзгартириш ғоясини амалга татбиқ этиш жараёнида талаба-қизларда миллий ғурур, Ватанга садоқат ҳамда қадриятларга ҳурмат туйғусини уйғотиш, уларнинг етакчилик қобилиятларини аниқлаш ҳамда ижтимоий-сиёсий фаоллигини ошириш, шунингдек, оила ва жамиятда муносиб ўрин эгаллашларига кўмаклашишдан иборат.

5. Қуйидаги вазифаларнинг бажарилиши юқоридаги мақсадларни амалга ошириш учун хизмат қилади:

- ЎзМТДПнинг дастурий мақсад ва вазифаларини амалга ошириш юзасидан талаба-қизлар ўртасида тарғибот-ташвиқот ишларини янада кучайтириш;

- ЎзМТДП ғояларини тарғиб қилиш орқали сиёсий жиҳатдан етук, фидойи, мамлакат ижтимоий-сиёсий ҳаётида муносиб ўрин эгаллаган юксак салоҳиятли кадрларни шакллантириш;

- Ўзбекистон Республикаси Олий Мажлиси Қонунчилик палатаси, Халқ депутатлари Қорақалпоғистон Республикаси Жўқорғи Кенгеси, вилоят, туман (шаҳар) Кенгашлари депутатлигига талаба-қизлар орасидан заҳирани шакллантириш.

 

II. Танловни ташкил этиш ва ўтказиш

 

6. Танловни ўтказиш, унинг расмий номи, рамзи ва атрибутикасидан фойдаланишга оид барча ҳуқуқлар Ўзбекистон “Миллий тикланиш” демократик партияси Марказий кенгашига тегишлидир.

7. Танлов билан боғлиқ ахборотлар партиянинг расмий сайти, ижтимоий тармоқ ва мессенжерлардаги каналлари ҳамда “Миллий тикланиш” газетасида ёритиб борилади.

8. Танлов икки босқич (вилоят, республика)да ўтказилади.

9. Танловда Қорақалпоғистон Республикаси, вилоятлар ва Тошкент шаҳридаги олий ўқув юртлари талабалари иштирок этади.

10. Танловни ташкил этиш ва ўтказиш Марказий ва ҳудудий кенгашларнинг вакилларидан таркиб топган ташкилий қўмита зиммасига юклатилади. Ташкилий қўмита танловнинг ҳакамлар ҳайъати таркибини шакллантиради ҳамда унинг раисини тайинлайди.

Ҳакамлар ҳайъати таркибига вазирлик ҳамда идораларнинг масъул ходимлари, шунингдек, маданият ва санъат соҳаси вакиллари киритилиши мумкин.

11. Биринчи босқич –  ЎзМТДП ҳудудий Экспертлар гуруҳи томонидан 2021 йилнинг ноябрь ойида ўтказилади.

12. Иккинчи босқич – Республика босқичи бўлиб, Ташкилий қўмита қарорига асосан танлов ғолиби ва совриндорлари ўртасида Тошкент шаҳрида 2021 йил декабрь ойининг иккинчи ўн кунлигида ўтказилади.

14. Танлов иштирокчиларининг аризалари 2021 йилнинг 10 ноябридан бошлаб қабул қилинади (ариза шакли илова қилинади).

15. Аризаларни ЎзМТДПнинг ҳудудий Кенгашларидан олиш ва тўлдириш мумкин.

16. Танловга тақдим этилган аризалар Ташкилий қўмита тасдиқлаган Эксперт гуруҳи томонидан сараланади ва шу аснода номзодларнинг рўйхати шакллантирилади. Эксперт гуруҳи тақдимномасига асосан танловга тақдим этилган ариза Ташкилий қўмита томонидан бекор қилиниши мумкин. Номзодларнинг якуний рўйхатини Ташкилий қўмита тасдиқлайди.

17. Танловда иштирокчиларининг шартлар юзасидан тайёрлаган тақдимотларига қуйидаги талаблар қўйилади:

- тақдимотнинг мазмуни танлов аудиторияси (талаба-қизлар)нинг талаб ва қизиқишларига мос келиши лозим;

- тақдимот талаба-қизларда миллий ғурур, Ватанга садоқат, қадриятларга ҳурмат туйғусини ошириши, ақл-заковатини улуғвор ва эзгу ишларга йўналтириши, келажакда оила ва жамиятда муносиб ўрин эгаллашларига кўмаклашиши керак;

- тақдимот ёшлар ва хотин-қизларга доир қонун лойиҳалари, уларнинг фаолиятига тегишли бўлган бошқа меъёрий-ҳуқуқий ҳужжатлар муҳокамаси ҳамда жойларда ёшлар ва хотин-қизлар муаммоларини ўрганиш, уларни ҳал этиш юзасидан партиянинг юқори органларига ўз таклифларини киритишга хизмат қилиши керак;

18. Танлов жараёнида иштирокчилар томонидан мустақил тарзда тайёрланадиган тақдимотлар юқоридаги талабларга мувофиқлиги махсус экспертлар томонидан назорат қилиб борилиши шарт.

19. Танлов иштирокчилари томонидан аризаларга қўшимча равишда қуйидаги  ҳужжатлар тақдим этилади:

- иштирокчининг паспорт (ёки шахсни тасдиқловчи бошқа ҳужжат) нусхаси;

иштирокчининг ўқиш жойидан тавсиянома;

- иштирокчининг 4х6 ҳажмдаги 2 дона фотосурати;

20. Ташкилий қўмита танловни ўтказиш жараёнида танлов электрон маълумотлар базасини яратади ва танлов иштирокчиларига керак бўладиган барча маълумотларни етказади.

 

III. Ташкилий қўмита ҳамда иштирокчиларнинг ҳуқуқ ва мажбуриятлари

 

21. Ташкилий қўмита қуйидаги вазифаларни амалга оширади:

- танловни ўтказиш тўғрисида қарор қабул қилади;

- танлов тўғрисидаги Низомни ишлаб чиқади ва унга ўзгартишлар киритади;

- танловга аризалар қабул қилиш жараёнини ташкил этади, аризаларнинг мазкур Низомда кўрсатилган талаблар асосида расмийлаштирилишини назорат қилади;

- Ҳакамлар ҳайъатининг таркиби ҳамда раисини тайинлайди. Жумладан, ҳакамлар ҳайъати таркиби икки босқичда тузилади:

- биринчи босқичда – ҳудудий (шаҳар) ЎзМТДП оила ва хотин-қизлар ҳамда ёшлар масалалари бўйича раис ўринбосарлари, ЎзМТДП вакиллик органларидаги депутатлари, ҳудудий партия кенгашлари қошидаги Фахрийлар кенгаши аъзолари, Ўзбекистон Республикаси Олий Мажлис Қонунчилик палатаси ҳузуридаги Ёшлар парламентига ЎзМТДПдан сайланган аъзолар, олий ўқув юртининг профессор-ўқитувчилари;

- иккинчи босқичда - ЎзМТДП оила ва хотин-қизлар ҳамда ёшлар масалалари бўйича раис ўринбосари, Ўзбекистон Республикаси Олий Мажлиси Қонунчилик палатаси депутатлари, партия қошидаги Фахрийлар кенгаши аъзолари, Ўзбекистон Республикаси Олий Мажлис Қонунчилик палатаси ҳузуридаги Ёшлар парламентига ЎзМТДПдан сайланган аъзолар, олий ўқув юртининг профессор-ўқитувчилари, партиянинг Марказий Кенгаши масъул ходимлари, фаол партия аъзолари ва жамоат ташкилотлари вакиллари.

- Ташкилий қўмита танловни ўтказиш жараёнида ҳакамлар ҳайъатининг ишини мувофиқлаштиради;

- танлов ғолиблари ва совриндорларини тақдирлаш маросимини ташкил этади;

- танловнинг бошқа ташкилий масалаларини ҳал этади.

22. Ташкилий қўмита ўз фаолияти давомида қуйидаги ҳуқуқларга эга:

- танлов иштирокчиси мазкур Низомда кўрсатилган талабларни бузган ҳамда танловнинг ўтказилиш талаб ва шартларига мос келмаган тақдирда уни танловдан четлаштириш.

23. Ташкилий қўмита танлов жараёнида қуйидаги мажбуриятларни ўз зиммасига олади:

- танловнинг барча иштирокчилари учун тенг шарт-шароитларни яратиш;

- танловнинг очиқ ва ошкора тарзда ўтказилишини таъминлаш;

- танлов иштирокчиларини баҳолашда холислик ва коллегиаллик тамойилларига риоя этиш.

24. Танлов иштирокчисининг ҳуқуқлари қуйидагилардан иборат:

- танловни ўтказиш шартлари ва тартиби тўғрисида маълумот олиш;

- танловда иштирок этиш учун белгиланган муддатда ариза бериш.

25. Танлов иштирокчисининг мажбуриятлари қуйидагилардан иборат:

- аризани топширишдан олдин танлов тўғрисидаги мазкур Низом билан тўлиқ танишиш;

- мазкур Низомда кўрсатилган талаблар асосида тўлдирилган аризани ўз вақтида тақдим этиш;

- мазкур Низомда кўрсатилган қоидаларга қатъий риоя этиш.

26. Танлов иштирокчиси жавобгарлиги қуйидагилардан иборат:

- аризада кўрсатилган нотўғри маълумотлари учун;

- мазкур Низомда кўрсатилган шартлар ва қоидаларга риоя қилмагани учун.

 

IV. Танлов шартлари ва баҳолаш мезонлари

 

27. Танлов иштирокчилари қуйидаги шартлар бўйича 2 кун давомида беллашадилар:

1 - шарт: Ўзбекистон Республикасининг “Давлат тили тўғрисида”ги Қонуни талаблари асосида диктант ёзиш;

2 - шарт: “Алла” қўшиқларини ижро этиш;

3 - шарт: Хотин-қизлар ва ёшларнинг ҳуқуқ ва манфаатларини таъминлашга ҳамда уларнинг ижтимоий-сиёсий фаоллигини оширишга қаратилган ижтимоий лойиҳалар тақдимоти.

Танлов иштирокчиларига биринчи шарт учун 15 дақиқа, қолган шартлар учун 3 дақиқадан вақт белгиланади.

(Танловнинг биринчи куни иштирокчилар биринчи шарт бўйича беллашадилар.

Танловнинг иккинчи куни иштирокчилар иккинчи ва учинчи шартлар бўйича беллашадилар).

28. Танлов иштирокчилари Ҳакамлар ҳайъати томонидан 3 баллдан 5 баллгача тизимда баҳоланади.

29. Ҳар бир иштирокчига ҳакамлар ҳайъати томонидан қўйилган энг юқори балл билан энг паст балл асосида ўртача балл келтириб чиқарилади.

 

VI. Ғолибларни тақдирлаш

 

30. Танлов ғолиб ва совриндорлари ЎзМТДП Марказий Кенгаши ва ҳомийлар томонидан қимматбаҳо эсдалик совғалари билан рағбатлантирилади.

 

VII. Якуний қоидалар

 

31. Танловни ўтказиш билан боғлиқ барча харажатлар ЎзМТДП Марказий ҳамда  ҳудудий кенгашлари маблағлари ҳисобидан белгиланган тартибда қопланади.

32. Давлат ва нодавлат ташкилотлари танловда ҳомийлик қилишлари мумкин.