“Xalq milliy o‘yinlari – millat yoshlarining g‘ururi!”

Xalqimizning milliy o‘yinlari o‘zining uzoq tarixiga ega bo‘lib, ajdodlardan avlodlarga meros sifatida o‘tib kelayotgan maʼnaviy boyligimiz, qadriyatlarimizga aylangan. Bugun bunday o‘yinlarni kengroq targ‘ib etish orqali avvalo yoshlarimizni sog‘lom turmush tarziga jalb etish, vatanparvarlik, qadriyatlarimizga hurmat ruhida tarbiyalash, ularning intellektual salohiyati oshirishga alohida eʼtibor qaratilmoqda.

Partiyaning Qashqadaryo viloyati Kengashi tomonidan Ko‘kdala tumani Xushali mahallasida “Xalq milliy o‘yinlari – millat yoshlarining g‘ururi!” shiori ostida tashkil etilgan musobaqa ham ana shu maqsadlarga xizmat qildi deyish mumkin.

Tadbirga tumandagi barcha maktab yoshlari jalb qilindi va ular nafaqat milliy o‘yinlarda, sportning boshqa turlari bo‘yicha ham kuch sinashdilar. G‘oliblar viloyat Kengashining esdalik sovg‘alari bilan taqdirlandi.

Partiyaning Qashqadaryo viloyati Kengashi axborot xizmati