Mamlakatimizda qurilish jadal rivojlangani sari dunyoda yuz berayotgan tabiiy ofatlar aholi hayotiga jiddiy xavf solmoqda. Bu qurilayotgan binolarning xavfsizlik talablarini yanada kuchaytirish ehtiyojini yuzaga keltiryapti. Shu maqsadda ishlab chiqilgan qonun loyihasi bilan ko‘p kvartirali uylarni qurilish va uy-joy kommunal xo‘jaligi sohasida nazorat qilish inspeksiyalarining ruxsatnomasisiz qurish uchun javobgarlik kuchaytirilmoqda va shunga ko‘ra, Jinoyat-protsessual kodeksining tegishli moddalari muvofiqlashtirilmoqda.

Maʼlumotlarga ko‘ra, O‘zbekistonda 2025-yilda rekord darajada – 106,5 ming xonadon foydalanishga topshirilgan bo‘lsada, qurilish sohasi demografik o‘sishdan ortda qolyapti. Yiliga 200 mingta yangi oila qurilayotgani sababli uy-joy tanqisligi 90 mingdan ortiqni tashkil etyapti.