Shaxmat – aql gimnastikasi

So‘nggi yillarda maʼnaviy va jismoniy barkamol avlodni shakllantirish, intellektual salohiyatni rivojlantirishga xizmat qiladigan sport turi bo‘lgan va bugun mamlakatimizda alohida o‘rin tutadigan aql gimnastikasi – shaxmat va shashka turiga aholini, ayniqsa, yoshlarni keng jalb etish bo‘yicha bir qator chora-tadbirlar amalga oshirilmoqda.

Partiyaning Buxoro viloyati Kengashi “Yoshlar qanoti” tomonidan faol yoshlar ishtirokida sportning shaxmat va shashka turi bo‘yicha o‘tkazilgan musobaqada ham ana shunday ishlar samaradorligiga xizmat qilishi shubhasiz.

Sog‘lom turmush tarzini targ‘ib qilish va ommaviy sportni rivojlantirish maqsadida tashkil etilgan musobaqada ishtirokchilar o‘zlarining aql-idroklarini yana bir marotaba sinovdan o‘tkazdilar. G‘oliblar partiya viloyat Kengashi tomonidan diplom hamda esdalik sovg‘alar bilan taqdirlandi.

Partiyaning Buxoro viloyati Kengashi axborot xizmati