“Sirdaryo IES” AJda “Milliy tiklanish”chilar ko‘paymoqda

Shirin shahridagi “Issiqlik elektr stansiyasi” AJ nafaqat viloyatda, balki, respublikamizdagi eng yirik energiya ishlab chiqaruvchi korxonalardan biri sanaladi. Ayni kunda ushbu dargohda 2000dan ortiq ishchi-xizmatchi mehnat qilib kelmoqda.

Yaqinda mazkur maskanda “Milliy tiklanish” demokratik partiyasi viloyat kengashi tashabbusi bilan “Mustaqillik shukronasi” mavzusida korxona ishchi-xizmatchilari va partiya shahar, tuman, viloyat Kengashlariga saylangan deputatlarining uchrashuvi bo‘lib o‘tdi.

Tadbirda so‘zga chiqqan deputatlar Aysuluv O‘ljayeva, Mastura Shirinova va Ayollarni reabilitatsiya qilish va moslashtirish Respublika markazining Sirdaryo viloyat Xovos hududiy bo‘limi boshlig‘i Gavhar Qarshiyevalar istiqlol yillarida erishilgan yutuqlar, uning inʼikosi sifatida milliy tiklanishdan milliy yuksalish sari dadil qadamlar qo‘yilayotganligi, asosiysi, mamlakat taraqqiyotini yana-da yuksak bosqichlarga ko‘tarish maqsadida “O‘zbekiston – 2030” strategiyasi qabul qilinganligi, uning asl mohiyati xususida yig‘ilganlarga batafsil so‘zlab berishdi.

Qizg‘in savol-javob tarzida o‘tgan uchrashuv yakunida ishtirokchilarga partiyaning esdalik sovg‘alari topshirildi.

Eʼtiborlisi, tadbir yakunida “Sirdaryo IES” AJning 200 nafar ishchi-xizmatchilari partiya aʼzosi bo‘lish istagini bildirdilar.

Dilafro‘z Oblayeva,

Partiyaning Sirdaryo viloyat kengashi

bosh mutaxassisi