Albatta, har bir deputat o‘z faoliyatini avvalo partiyasi g‘oyalaridan kelib chiqib belgilashi, Saylovoldi dasturidagi vazifalar ijrosiga qaratmog‘i lozim. O‘quv-seminarda deputat so‘rovi samaradorligini oshirish masalasida so‘zga chiqqan Markaziy kengash raisi o‘rinbosari Feruza Muhammedjanova yuqoridagi fikrlarni taʼkidlarkan, mahalliy deputatlarning tegishli idoralarga yuborayotgan so‘rovlarining aksariyati maishiy masalada bo‘layotganini taʼkidladi.

– Saylovoldi dasturimizda belgilangan vazifalar esa chetda qolyapti. So‘rovlar soni tahlil qilinganda eng kam so‘rov deputatlar eng ko‘p bo‘lgan hududlardan yuborilayotgani maʼlum bo‘ldi, – dedi Feruza Muhammedjanova.