Buxoro davlat pedagogika institutida tashkil etilgan tadbirda partiyadan Oliy Majlis Qonunchilik palatasi va mahalliy Kengash deputatligiga nomzodlar ishtirokida saylovchilar bilan uchrashuv o'tkazildi. Unda boshlang‘ich partiya tashkilotlari vakillari, xayrixoh yoshlar, xotin-qizlar, mahalla faollari, ko‘p sonli saylovchilar hamda OAV vakillari ishtirok etdi. 

   Ta’kidlanganidek, partiyaning bosh maqsadi – Qudratli davlatga tayangan, qonunlari milliy va umuminsoniy qadriyatlarga uyg‘un, inson qadri baland, farovon jamiyat qurishdir. Yetti yo‘nalishdan iborat 2025-2029-yillarga mo‘ljallangan Saylovoldi dasturning asosiy mazmuni esa “Qadriyatlarga tayangan taraqqiyot” shioriga tayangan holda barcha g‘oya-tashabbuslarni milliy va umuminsoniy qadriyatlarga uyg‘un bo‘lishiga erishishdir.

   Uchrashuvda turli soha vakillari ham so‘z olib, partiyaning hamda nomzodlarning saylovoldi dasturidagi maqsad va g'oyalarni qo'llab-quvvatlagan holda barchani 27-oktyabrda o‘tadigan saylovlarda “Milliy tiklanish” demokratik partiyasi va uning nomzodlariga ovoz berishga chaqirdi.