"Milliy tiklanish" uchun taʼlim-tarbiya, jumladan, yoshlarni milliy va umuminsoniy qadriyatlarga sodiqlik, vatanparvarlik ruhida tarbiyalash, salohiyatini ro‘yobga chiqarish hayot-mamot masalasi hisoblanadi. Pedagoglar maqomini oshirish, ularni har jihatdan qo‘llab-quvvatlash va himoya qilish partiya uchun doimo ustuvor bo‘lib kelgan va shunday bo‘lib qoladi.

Maktabgacha va maktab taʼlimi vaziri o‘rinbosarlari Temurjon Komilov va Azizbek Turdiyevning "Milliy tiklanish"ni tanlagani ham bejiz emas. Kelgusida bu sohadagi hamkorlik davom etadi. Ta'lim va tarbiya bo'yicha tashabbuslar asosiy e'tibor markazida bo'ladi.