Senat ham bolalarni zo‘ravonlikning barcha shakllaridan himoya qilish, jinsiy jinoyatlar uchun jazoni keskin kuchaytirishga qaratilgan qonunni ma’qulladi.

Unga ko‘ra, 14 yoshga to‘lmagan bolalarga nisbatan nomusga tegish jinoyatini sodir etganlar 25 yilgacha yoki umrbod ozodlikdan mahrum etiladi. Bolaning o‘limiga sabab bo‘lgan qasddan sodir etilgan jinoyatlar uchun esa shartli hukm qilish yoki muddatidan oldin ozod etish mumkin emas.