Deputatga qöyiladigan eng muhim talablardan biri saylovçilar oldida hisobdor bölişidir. Toşkent şahar Kengaşi deputati Otabek Jiyanbayev ana şunday mas’uliyatli deputatlardan hisoblanadi.

Mirobod tumani, 7-“Ming örik” saylov okrugi deputati joriy yilning uçinçi çoragidagi faoliyati böyiça saylovçilariga hisobot berarkan, bugungi kun deputati xalq bilan doimiy muloqotda bölib, muammolarini tinglab, tizimli yeçim topa oladigan haqiqiy vakil bölişi kerakligini ta’kidladi. Çunki Yangi Özbekiston islohotlari ham xalq vakili oldiga mas’uliyatli vazifalarni qöymoqda.

Ma’lumotlarga köra, hisobot davrida Otabek Jiyanbayev nomidan yuborilgan 10 ta sörovning 8 tasi ijobiy hal etilgan. Jumladan, “Yangi Mirobod” mahallasidagi sport maydonçasini ta’mirlaş uçun 250 mln söm ajratildi. Şarof Raşidov mahallasi Çimkent köçasidagi yöl ta’mirlandi. “Movarounnahr” mahallasida yaşil maydonlarni suğoriş uçun quduq qazildi. Xalqimiz manfaatiga xizmat qiluvçi bunday misollarni yana köplab keltiriş mumkin.