Yangiliklar


280

11 metrli nohaqlik

"Milliy tiklanish" demokratik partiyasining Yakkasaroy tuman Kengashidagi deputati Laziz Hasanovga Bobur mahallasi aholisidan shikoyat tushdi.

Maʼlum qilinishicha, mahallaning 67-uy yonida joylashgan “YAKS ELIT ZUXAL” MCHJga tegishli avtoturargoh odamlarga noqulaylik tug‘diryapti. Avtoturargoh “dom”ga shunchalik yaqin qurilganki, hatto yurishga xalaqit beryapti. Bu bo‘yicha tuman hokimligiga ham bir necha bor murojaat qilingan. Lekin mutasaddilar nimagadir bunga aralashishdan tiyilmoqda.

Deputat ushbu shikoyat bo‘yicha saylovchilari bilan uchrashdi. Avtoturargohning hujjatlari bilan tanishdi. Aniqlanishicha, avtoturargoh belgilanganidan 11 metr oldinga chiqarilib qurilgan ekan. Yaʼni, xalqqa tegishli 11 metrli hudud “o‘g‘irlangan”.

Deputat ushbu masalani o‘z nazoratiga olib, tegishli idoralar bilan hal qilishga kirishdi.