Partiyaning Toshkent shahar Kengashi tashabbusi bilan Qatag‘on qurbonlari xotirasi davlat muzeyida “Mahmudxo‘ja Behbudiy – Turkiston jadidchiligining asoschisi” nomli foto, yozma manbalar va buyumlar ko‘rgazmasi ochildi.

Tashkil qilingan ko‘rgazmada “Behbudiyning yoshlik va balog‘at yillari”, “Maʼrifatparvarlik va muftiylik faoliyati”, “Haj safari”, “Siyosiy kurashlar sahnasida”, “Milliy armiya orzusi” kabi mavzularda burchaklar tashkil qilingan bo‘lib, o‘sha davrda chop etilgan kitob va matbuot nashrlarining asl nusxalari ham namoyish qilinmoqda.

Taʼkidlash lozim, Mahmudxo‘ja Behbudiy asarlarining yoshlarimiz intellektual va maʼnaviy salohiyatini oshirish, shu asosda ularni Yangi O‘zbekiston bunyodkorlari, chinakam vatanparvar insonlar etib tarbiyalashdagi o‘rni bugungi kunda ham muhim ahamiyat kasb etmoqda.

Ko‘rgazma 24-yanvarga qadar davom etadi.