Yangiliklar


277   15-03-2022

Partiya xodimlari uchun siyosiy o‘quvlar boshlandi

Bugun “Milliy tiklanish” demokratik partiyasi Markaziy kengashida xodimlar uchun siyosiy o‘quv tashkil etildi.

O‘quvda Mafkuraviy ishlar va partiyaning dasturiy ko‘rsatmalarini ishlab chiqish bo‘limi boshlig‘i Doniyor Toshboyev mamlakatimiz va jahonda so‘nggi bir hafta davomida yuz bergan ijtimoiy-siyosiy voqealar, muhim o‘zgarishlar va ularning mazmun-mohiyati bilan ishtirokchilarni tanishtirdi.

O‘quvda markaziy nashrlar va siyosiy partiyalar gazetalarida eʼlon qilingan maqolalar tahlil qilindi. Shuningdek, Markaziy Osiyo va xalqaro maydonda shu kunlarda yuz berayotgan siyosiy voqealar bo‘yicha partiya xodimlarining fikr-mulohazalari, qarashlari tinglandi. Bu jarayonda partiya faollari oldida turgan muhim vazifalar muhokama etildi.

Partiya xodimlarining siyosiy qarashlari, bilim va ko‘nikmalarini yanada oshirishga xizmat qiluvchi bunday o‘quvni har haftada muntazam o‘tkazib borishga kelishib olindi.