Yangiliklar


293   17-03-2022

Navbatdan tashqari Plenum bo‘lib o‘tdi

Kecha Farg‘onada “Milliy tiklanish” demokratik partiyasi Farg‘ona viloyati Kengashining navbatdan tashqari IV Plenumi bo‘lib o‘tdi.

Viloyat kengashi vakillari, deputatlar va faollar ishtirokida o‘tgan yig‘ilishda tashkiliy masala ko‘rildi.

Partiya Markaziy kengashi raisi o‘rinbosari Bahodir Mamatxonov ushbu masalada so‘zga chiqib, viloyat Kengashi raisi Xursanoy Islamovaning boshqa ishga o‘tgani munosabati bilan bu vazifadan bo‘shashi bo‘yicha arizasini qanoatlantirilganini maʼlum qildi.

– Ko‘p yillik tajribaga ega Xursanoy Islamova boshchiligida viloyat Kengashi tomonidan xalq manfaati, partiyamizning dasturiy maqsad va vazifalari hayotiyligini taʼminlash borasida ko‘plab ijobiy ishlar amalga oshirilganini alohida eʼtirof etish joiz. Shu bois, X.Islamova garchi boshqa ishga o‘tgan bo‘lsada, kengash tarkibida qolishiga rozi bo‘ldi. Endi viloyat Kengashi raisligiga bu ishlarni yanada faollashtiradigan munosib nomzod qo‘yilishiga ishonch bildiraman, – dedi B.Mamatxonov.

Yig‘ilishda partiya Markaziy kengashi ijroiya qo‘mitasi Mafkuraviy ishlar, partiyaning dasturiy ko‘rsatmalarini ishlab chiqish va rivojlantirish bo‘limi boshlig‘i Doniyor Toshboyevning ham so‘zga chiqib, “Yangi O‘zbekistonning taraqqiyot strategiyasini amalga oshirishda partiya oldida turgan ustuvor vazifalar haqida maʼruza qildi. Strategiyadan partiya tomonidan berilgan qator takliflar, xususan, xalq deputatlari Uchko‘prik tuman Kengashi deputati tomonidan berilgan taklif ham kiritilganini alohida eʼtirof etdi.