Fraksiya aʼzosi Vasila Fayziyevaning o‘rganishlari Yashnobod tumanidagi “Uysozlar” mahallasidan boshlandi. Aholi bilan muloqotda tuman tibbiyot birlashmasi uzoq bo‘lgani bois, mahallada uning filialini ochish masalasi ko‘tarildi.

– Bu borada ishlar boshlangan, biroq ortiqcha qog‘ozbozlik muammoning hal bo‘lishini ortga suryapti, – deydi deputat hujjatlar bilan tanishib.

Deputatning Toshkent shahar Kengashi vakillari hamda mahalliy deputatlar hamrohligidagi o‘rganishlari 435-sonli Davlat maktabgacha taʼlim tashkiloti hamda 206-sonli maktabda davom etdi. Shu kunning o‘zida mutasaddilar hamda mahalliy Kengash deputatlari ishtirokida o‘rganishlar natijalari muhokama qilinib, yechimini kutayotgan muammolarni hal qilish bo‘yicha hujjatlar rasmiylashtirildi.