Yangiliklar


265   15-04-2022

Odamlar endi hokimyatda sarg‘aymaydigan bo‘ldi

Qishda loy kechgan, yozda esa chang yutgan Mingbuloq tumani O‘rtaqishloq aholisi yillar davomida hal qilinmagan muammolariga nihoyat yechim topilayotganidan xursand bo‘lib, muborak Ramazon kunlarida o‘zlari saylagan deputatini duo qilmoqda.

Xalq deputatlari Mingbuloq tuman Kengashiga “Milliy tiklanish” demokratik partiyasidan saylangan deputat Valijon Nishonov saʼy-harakati bilan O‘rtaqishloqdagi 16 ta ko‘chaga shag‘al to‘kilib, ularning 4 tasiga asfalt yotqizildi.

O‘rtaqishloqliklarning yana bir muammosi deputat ko‘magida hal bo‘ldi. Deputatlik so‘rovi bilan 3 ta artezian qudug‘i qazilib, aholining ichimlik suviga bo‘lgan ehtiyoj qondirildi.

Yashik yasab, bazo‘r ro‘zg‘or tebratgan Hoshimjon Yigitaliyev deputatning yordami va maslahati bilan tadbirkorligini kengaytirgan edi. Bugun hunarmand 35 ta ishchi o‘rni yaratdi. Deputat tadbirkordan tez-tez xabar olib turadi, o‘zgarishlar, yangiliklar bilan o‘rtog‘lashadi.

Eng muhimi, odamlar yordam so‘rab, hokimiyatda sarg‘aymaydigan bo‘ldi. Endi ularning har qanday masalaga yechim topadigan “tog‘i” bor.