Quyi palata deputatlari Abdulhakim Eshboyev hamda Go‘zal Samiyevalar Surxondaryodagi o‘rganishlarida asosiy eʼtiborni musiqa va sanʼat maktablariga qaratdi. Fraksiya aʼzolari mahalliy deputatlar hamrohligida dastlab 1981-yilda faoliyatini boshlagan Termiz shahridagi 2-sonli, so‘ngra 150 nafar o‘quvchiga mo‘ljallangan 1-sonli musiqa maktablari faoliyatini o‘rgandi.
Birinchi manzilda quyidagi muammolar aniqlandi: moliyaviy masalalar yechilmagani bois, cholg‘u asboblar, darsliklar yetishmaydi, zamonaviy texnologiyalardan foydalanilmayapti. Kadrlar qo‘nimsizligi bor. Ikkinchi manzilda esa aksincha holat: barcha sharoitlar yaratilgan, faqat o‘quvchilar musiqa va sanʼat sirlarini qunt bilan o‘rgansa bo‘lgani.