Yangiliklar


62

Buxoro viloyati Kengashining I Plenumi bo‘lib o‘tdi

"Milliy tiklanish" demokratik partiyasi Buxoro viloyati Kengashining I Plenumi bo‘lib o‘tdi.

Kengaytirilgan yig‘ilishda partiya xodimlari va deputatlar tomonidan yo‘l qo‘ygan kamchiliklar va foydalanilmagan imkoniyatlarga alohida eʼtibor qaratildi. Sustkashlikka yo‘l qo‘ygan tuman va shahar partiya tashkilotlari va deputatlik guruhlari tanqid qilinib, ularga tegishli tavsiyalar berildi.

Maʼlum qilinishicha, partiyaning viloyat Kengashida Boshlang‘ich partiya tashkilotlari soni 2021 yil 31 dekabr holatida 563 tani tashkil etgan.

"Deputat mahallada" loyihasi doirasida "Ayollar daftari"ga 1155 nafar va "Yoshlar daftariga"ga 2358 nafar fuqaro kiritilishiga erishildi, 1115 nafar yoshlar va xotin-qizlar bandligini taʼminlashga ko‘maklashildi. 114 nafar yoshlar va 63 nafar xotin-qizlarga imtiyozli kredit ajratilishida amaliy ko‘mak berildi.

"Xizmat – beminnat" loyihasi doirasida 75 ga yaqin o‘quv kurslari tashkil etildi. 76 nafar xotin-qizlar bepul kasb-hunarga yo‘naltirildi, 115 nafar yoshlar bepul o‘quv kurslariga jalb etildi.

“Uyma-uy” loyihasi doirasida 5528 ta xonadon holidan xabar olinib, 2443 ta muammoli masala qayd etildi. 348 nafar xotin-qizlarning sog‘lig‘ini tiklash yuzasidan amaliy yordam ko‘rsatildi. 146 nafar yoshlarga uy-joy va yer-mulk bilan bog‘liq masalalarida ko‘maklashildi.