“Milliy tiklanish” demokratik partiyasi bilan “Qurultoy” loyihasi o‘rtasida hamkorlik Memorandumi imzolandi.

Kelishuvga ko‘ra, partiyaning O‘quv-tadqiqot va tahlil markazi hamda “Qurultoy” loyihasi O‘zbekistonning boy madaniy merosi va anʼanalarini saqlash, qadimiy qo‘lyozmalarni tadqiq etish, ro‘yxatga olinmagan madaniy meros obyektlarini aniqlash va ularni himoya qilish, milliy qadriyatlarimizni yoshlar orasida keng targ‘ib etish borasida hamkorlik qiladi. Shu maqsadda soha mutaxassislari ishtirokida davra suhbatlari va o‘quv-seminarlar tashkil etiladi.