Xabaringiz bor, kecha ko‘hna va hamisha navqiron Samarqand shahrida “Markaziy Osiyo –  Yevropa Ittifoqi” sammiti boshlandi. Mintaqaning besh davlati va Yevropa Ittifoqi yetakchilari ishtirokida o‘tayotgan ilk sammitda tomonlarning umumiy istaklarini aks ettiruvchi “Samarqand deklaratsiyasi” qabul qilinishi kutilyapti.

“Kelajakka sarmoya kiritish” shiori ostida o‘tkazilayotgan oliy darajadagi uchrashuv Markaziy Osiyo va Yevropa o‘rtasida muloqot maydoni bo‘lib qolmay O‘zbekistonning innovatsiya, yashil energetika, tog‘-kon, qishloq xo‘jaligi, transport, logistika va raqamli texnologiyalar sohalaridagi hamkorlikni kengaytirish, tovar ayriboshlash hajmini oshirish bo‘yicha qo‘shma dastur va loyihalarni ilgari surish bo‘yicha ham muhim kelishuvlarga erishiladi.

Mazkur nufuzli tadbir madaniyat, turizm, sog‘liqni saqlash, fan-taʼlim va boshqa ustuvor yo‘nalishlarda hamkorlikni izchil davom ettirishga yo‘naltirilgani bilan ham alohida ahamiyatiga ega.

Taʼkidlash lozim, barcha sohalarda mintaqaviy hamkorlikni kengayish har bir mamlakatning iqtisodiy-ijtimoiy rivojlanishiga yordam berishi shubhasiz. Bu esa Markaziy Osiyo va Yevropa Ittifoqi taraqqiyotiga xizmat qiluvchi yangi tashabbuslarning ilgari surilishiga sabab bo‘ladi.

Zero, 300 ga yaqin xorijiy hamda mahalliy ommaviy axborot vositalari orqali keng yoritilayotgan Samarqand sammiti mintaqalar o‘rtasidagi hamkorlik tarixida yangi sahifalar ochishi shubhasiz.  

Maxsud MUHAMMEDOV,
Oliy Majlis Qonunchilik palatasidagi
"Milliy tiklanish" partiyasi fraksiyasi a'zosi