Toshkent anjumaniga Shveysariyadan kelgan delegatsiya vakillariga hamrohlik qilayotgan fraksiyamiz aʼzosi Ruslan Jumamuratov yevropalik mehmonlar bilan “Milliy tiklanish” tomonidan bir necha yildan buyon tashabbus qilib kelinayotgan O‘zbekistonda ham Islom moliyasini rivojlantirish masalasini muhokama qilganini maʼlum qildi.

– Shveysariya dunyoning bank tizimi rivojlangan eng oldi mamlakati hisoblanadi. So‘nggi yillarda bu davlat Islom moliyasini kengaytirish borasida ham salmoqli natijalarga erishmoqda, – deydi Ruslan Jumamuratov.