O‘zbekiston uchun aprel oyining dastlabki o‘n kunligi muhim tarixiy voqealari bilan alohida ahamiyat kasb etdi. Yangi O‘zbekiston islohotlarining xalqaro eʼtirofi sifatida baholangan Samarqand sammiti, xalqaro iqlim forumi hamda Toshkentda o‘tgan Parlamentlararo Ittifoqning 150-yubiley assambleyasida Davlatimiz rahbarining iqtisodiy hamkorlik, xavfsizlik va global muammolar yechimiga qaratilgan taklif va tashabbuslari dunyo hamjamiyati tomonidan qo‘llab-quvvatlandi.

Partiyaning O‘quv-tadqiqot va tahlil markazi tomonidan o‘tkazilgan navbatdagi o‘quvda ushbu siyosiy tadbirlarning O‘zbekiston, Markaziy Osiyo uchun ahamiyati, Prezidentimiz maʼruzalarining mazmun-mohiyati hamda bu borada partiya va deputatlar oldida turgan muhim vazifalar muhokama qilindi.