Markaziy kengashda O‘quv-tadqiqot va tahlil markazi tomonidan “Kiberjinoyatlar: turlari, sabab va zamonaviy xavflar” mavzusida o‘quv-seminar o‘tkazildi. Tadbir avvalida kiberxavfsizlik bo‘yicha masʼul vakil bu mavzudagi tadbir bejiz tashkil etilmayotganini, so‘nggi yillarda, ayniqsa, saylovlar paytida partiya va partiya faollarining ijtimoiy tarmoqlardagi sahifalariga ham kiberhujumlar bo‘layotganini taʼkidladi.

Seminarda kiberjinoyat tahdidlari va undan himoyalanish bo‘yicha maʼlumotlar, taklif va tavsiyalar berildi. Savollarga javob qaytarildi.

Ma'lumotlarga qaraganda dunyoda har yili 500 milliondan ortiq kiberhujum uyushtirilar ekan. Har soniyada 12 nafar insondan biri uning qurboniga aylanmoqda. O‘zbekistonda 2021-yilda bunday jinoyatlar soni 2280 tani tashkil qilgan bo‘lsa, o‘tgan yili 21300 dan ortiq kiberjinoyat sodir etilgan.