Buxoro viloyati hokimining 2023-yil 3-fevraldagi farmoyishiga ko‘ra, Shofirkon tumani “Nurafshon” mahallasidagi yaroqsiz bo‘lib qolgan 30-sonli maktabgacha taʼlim tashkiloti o‘rnida yangi bog‘cha qurish belgilangan bo‘lsada, ijrosi ba'zi bir sabablarga ko'ra hamon ortga surilayotgan edi. Shu kunlarda Buxoroda o‘rganishlar olib borayotgan deputat Maxsud Muhammedovning aralashuvi bilan nihoyat ikki yillik muammo yechildi. 3,5 milliard so‘m mablag‘ ajratish masalasi hal qilindi. Yaqin kunlarda qurilish ishlari boshlanadi.

“Mahalla” qishlog‘i aholisi esa yangi transformator o‘rnatish, eski simyog‘ochlarni yangilash va ko‘cha yoritgichlarini tiklash bo‘yicha murojaat qilgan edi. Deputat ushbu masalani tegishli tashkilot vakillari bilan o‘rganib, qishloqqa yaqin kunlarda yangi transformator va 82 dona simyog‘och o‘rnatiladigan bo‘ldi. "Vaʼdalar va'daligicha qolib ketmasin. Toshkentda bo‘lsam ham bir ko‘zim Buxoroda bo‘ladi", – dedi deputat mutasaddilarga qarata.