Farg‘onada Plenum tanqidiy-tahliliy ruhda o‘tdi

Partiyaning Farg‘ona viloyati Kengashi Plenumi bo‘lib o‘tdi. Partiya vakillari, deputatlar, faollar hamda OAV xodimlari ishtirokida o‘tgan yig‘ilishda viloyat Kengashining birinchi yarim yillikda erishilgan yutuqlari bilan birga yo‘l qo‘yilgan kamchiliklar tahlil qilindi. Talab darajasida faoliyat ko‘rsatmayotgan ayrim tuman va shahar Kengashlari faoliyatiga tanqidiy baho berildi.

Ochiq va oshkora muloqot tarzida o‘tgan Plenumda, partiyaning 2020-2024-yillarga mo‘ljallangan Saylovoldi dasturida belgilangan vazifalar ijrosini taʼminlash, partiya va deputatlik guruhlari hamkorligini yanada kuchaytirish, partiya xodimlari malakasini oshirish, “Insonni o‘zgartirish orqali jamiyatni o‘zgartirish” g‘oyasini targ‘ib qilishning zamonaviy va taʼsirchan usullaridan foydalanish bo‘yicha tegishli ko‘rsatmalar berildi. 

Plenumda ishtirok etgan partiyaning Markaziy kengashi raisi o‘rinbosari Bahodir Mamatxonov so‘zga chiqib, Samarqand sammiti yakunlariga haqida gapirdi. Shu bilan birga viloyat kengashining partiyaviy loyihalar ijrosini taʼminlashda yo‘l qo‘yilayotgan kamchiliklarga ham to‘xtaldi. Mahalliy kengash deputatlarining bugungi islohotlar jarayonidagi ishtiroki faol bo‘lishi lozimligini taʼkidlab, bu borada tavsiyalar berdi.

Plenum yakunida kun tartibida ko'rilgan masalalar bo'yicha qaror qabul qilindi.