Hurmatli fuqarolar!

   Maʼlumki, joriy yilning 26-iyul kuni Markaziy Saylov komissiyasi tomonidan Yangi O‘zbekistonda muhim siyosiy jarayon – Oliy Majlis Qonunchilik palatasi, Qoraqalpog‘iston Respublikasi Jo‘qorg‘i Kengesi, xalq deputatlari viloyat, tuman va shahar Kengashlariga bo‘lib o‘tadigan saylovlarga start berildi.

  Shu munosabat bilan, “Milliy tiklanish” demokratik partiyasi ushbu saylovda munosib ishtirok etishini maʼlum qiladi hamda partiya ilgari surayotgan g‘oyalarni kelajakda amalga oshirish uchun imzo yig‘ish boshlanganligini eʼlon qiladi.

  Partiyamizni qo‘llab-quvvatlab, imzo qo‘yishni istagan fuqarolarga qo‘shimcha qulaylik yaratish maqsadida maxsus joylar tashkil etilganligini maʼlum qilamiz.

   Imzo yig‘ish jarayoni 2024-yil 1-avgust kunidan 15-avgust kuniga qadar bo‘lib o‘tadi.

   Imzo to‘plash uchun hududlarimizda tashkil etiladigan punktlarning joylashuvi quyida bayon etilgan.

 Eslatma: partiyamizni qo‘llab-quvatlamoqchi bo‘lganlardan o‘z shaxsini tasdiqlovchi hujjat (pasport, ID karta yoki ularning elektron varianti) taqdim etishlarini iltimos qilamiz.