Bugun dunyoda investorlar uchun mislsiz kurash ketmoqda. Bironta davlat muammolarini yakka o‘zi hal qila olmasligi anglangani sari, eng zarur investitsiya – o‘zaro ishonch ekani isbot talab qilmaydigan haqiqatga aylandi.

Inson qadri asosiga qurilgan Yangi O‘zbekistonning ortga qaytmas islohotlari yurtimizni xalqaro investorlar uchun jozibador davlatga aylantirmoqda. Toshkentning to‘rtinchi bor xalqaro investitsiya forumiga mezbonlik qilgani buning isboti. 

Geosiyosiy jarayonlar shiddat bilan o‘zgarayotgan bir davrda O‘zbekiston investitsiyani faqat iqtisodiy taraqqiyotning emas, tinchlik va barqarorlikning kafolatiga aylantirishga harakat qilmoqda. Zero, dunyoda o‘zaro ishonch va teng sheriklikka asoslangan hamkorlikni kengaytirish, bu borada do‘stlarimizni ko‘paytirish, eng asosiysi, mintaqamiz farovonligini taʼminlash milliy taraqqiyotimizning eng muhim vazifalari sanaladi.

Alisher QODIROV,
“Milliy tiklanish” demokratik partiyasi Markaziy kengashi raisi
Oliy Majlis Qonunchilik palatasidagi “Milliy tiklanish” partiyasi fraksiyasi rahbari