Oliy Majlis Qonunchilik palatasi hamda mahalliy Kengashlarga saylov qizg‘in pallaga kirmoqda. “Milliy tiklanish” demokratik partiyasi faollari imzo to'plash jarayoniga alohida masʼuliyat bilan yondashmoqda. Jumladan, partiyaning Toshkent shahar va tuman Kengashlari tomonidan bu boradagi ishlar jadallik bilan olib borilyapti.

   Poytaxtimizdagi "Magic City" oilaviy ko‘ngilochar bog‘i hamda Seul ko‘chasida o‘tkazilgan ana shunday tadbir oldidan shaharliklar va shahar mehmonlariga “Milliy tiklanish” partiyasi hamda bo‘lajak siyosiy jarayonining mazmun-mohiyati xususida tushunchalar berildi.

   Imzo yig‘ish jarayonida faol, tashabbuskor partiya aʼzolari kuchiga tayanilmoqda. Joylardagi Boshlang‘ich partiya tashkilotlari raislari, mahalliy Kengash deputatlari, partiyaning “Ayollar qanoti", "Yoshlar qanoti" atrofida birlashgan fidoyi aʼzolarining ko‘magi bilan bu jarayon qamrovi kun sayin kengaymoqda.