Hamkorlik aloqalari yanada rivojlanadi

Oliy Majlis Qonunchilik palatasi Spikeri o‘rinbosari A.Qodirov Ozarbayjon Respublikasi Milli Mejlisining Madaniyat masalalari qo‘mitasi raisi G.Pashayeva bilan uchrashdi.

Muloqot avvalida mehmonga O‘zbekistonda olib borilayotgan ijtimoiy-siyosiy islohotlar mazmun-mohiyati, ularni amalga oshirishda parlamentning o‘rni haqida so‘zlab berildi.

Qayd etilganidek, ikki davlat Prezidentlarining o‘zaro do‘stona munosabatlari va ularning siyosiy irodalari mamlakatlar o‘rtasidagi ijtimoiy-siyosiy, iqtisodiy va diplomatik aloqalarining yanada rivojlanishiga xizmat qilmoqda.

O‘z navbatida, G.Pashayeva ikki mamlakat xalqlarini tarixiy rishtalar, adabiyot, fan, taʼlim, madaniyat va boshqa sohalardagi ko‘p jihatlar birlashtirib turishini taʼkidladi.

Buyuk tarixiy ajdodlarimiz haqida hujjatli, badiiy filmlar yaratish uchun mamlakatlarimiz kinosanoati vakillari o‘rtasida maxsus ijodiy guruhlar tashkil etish maqsadga muvofiq ekanligini aytib o‘tdi.

Samimiy o‘tgan uchrashuvda tomonlar o‘zaro aloqalarni yana-da rivojlantirish, parlamentlararo do‘stlik guruhlarining muntazam uchrashuvlarini tashkil etishga kelishib oldilar.

Uchrashuv do‘stona va konstruktiv ruhda o‘tdi.