Partiyaning Toshkent shahar Kengashi hamda mahalliy deputatlar hamrohligida Mirobod tumanining “Mirobod” mahallasida bo‘lgan Qonunchilik palatasi deputati Vasila Fayziyeva asosiy eʼtiborni “Ayollar daftari” hamda “Yoshlar daftari”da ro‘yxatda turgan fuqarolar muammolariga qaratdi.

Shuningdek, xorijda mehnat qilayotganlar soni, ularning oila aʼzolariga ko‘rsatilayotgan ijtimoiy xizmatlar sifati, pensiya taʼminoti, chetdan qaytganlarni xatlovdan o‘tkazish ishlari bilan ham tanishdi. Deputatga 5250 nafar aholi istiqomat qilayotgan mahallada yoshlarni bo‘sh vaqtini mazmunli o‘tkazishi uchun kichik futbol maydonchasiga ehtiyoj borligi maʼlum qilindi.