Deputatlar uchun hal qilinadigan masala topildi
581 27.06.2025
Prezident raisligida joriy yilning 15-may kuni maktab taʼlimi bo‘yicha o‘tkazilgan yig‘ilishda yoshlarning bo‘sh vaqtini mazmunli tashkil etishga qaratilgan “Dolzarb 90 kunlik” dastur eʼlon qilingan edi. Xo‘sh, joylarda bu borada qanday ishlar qilinyapti, buning uchun sharoitlar yaratilganmi? Deputat Bahodir Mamatxonov mahalliy Kengash deputatlari hamrohligida Navbahor tumanida ana shu masalalarni o‘rgandi. Jumladan, 14-sonli maktabda dastur doirasida to‘qqizta fan va beshta sport to‘garaklari tashkil qilingan.
Biroq tabni xira qiladigan tomonlari ham bor ekan: o‘tgan asrning 80 yillarida qurilgan maktabda xonalar yetishmaydi, kutubxona shart-sharoiti haminqadar, oshxona ham tashkil etilmagan. Demak, deputatlar uchun hal qilinadigan masala topildi.