Bugungi kunda kichik va o‘rta biznes korxonalari 10,5 million kishini ishli qilgani va bu jami mehnatga layoqatli aholining 74 foizini tashkil etgani mazkur sohaning bandlikni taʼminlashdagi o‘rni qanchalik muhimligini ko‘rsatadi. Buloqboshi tumanida bo‘lgan deputat Baxtiyor Maniyazov ham asosiy eʼtiborni biznes vakillari faoliyatini o‘rganishga qaratdi. Chunki aksariyat korxonalar biznesini kengaytirib, yangi ish o‘rinlarini yaratmoqchi. Lekin bu borada muammolarga duch kelyapti.

Jumladan, deputat o‘z mahsulotlarini Qirg‘izistonga ham sotayotgan duradgor va hunarmandning ishlab chiqarish korxonalarida bo‘ldi. Ikki tadbirkor ham biznesini kengaytirishda joy bilan bog‘liq muammosiga duch kelayotganini maʼlum qilishdi. Murojaat deputat tomonidan o‘rganilib, tuman hokimligiga yo‘naltirildi va nazoratini o‘z zimmasiga oldi.