“Ма’no va mazmun” ilmiy-amaliy anjumani o‘tkazildi

Ma’lumki, O‘zbekiston Milliy media assotsiatsiyasi tomonidan yurtimiz media makonida so‘z mas’uliyatini oshirish, so‘z latofati va imkoniyatlarini ko‘rsatish maqsadida “SO‘Z” xalqaro forumi o‘tkazilmoqda.   

Mazkur forum doirasida bugun Toshkent shahrida “Ма’no va mazmun” ilmiy-amaliy anjumani bo‘lib o‘tdi. Anjuman ommaviy axborot vositasida so‘z va mazmunning ahamiyatiga yanada e’tibor qaratish, zamonaviy jurnalistikaning dolzarb muammolarini muhokama etish va bu borada xalqaro ekspertlar tajribasini o‘rganish maqsadida tashkil etildi. Unda Yaponiya, Koreya, Rossiya, Turkiya, Xitoy, Tojikiston, Qirg’iziston, Isroil davlatlaridan 10 ga yaqin xalqaro ekspertlar, yurtimiz media olamining yirik OAV va siyosiy partiya vakillari ishtirok etdi.  

“Ма’no va mazmun” ilmiy-amaliy anjumanida so‘zga chiqqanlar zamonaviy jurnalistika rivojining yangi trendlari, matbuotga e’tibor, O‘zbekistonda jurnalist kadrlar tayyorlashdagi yangicha yondashuv kabi dolzarb mavzularga to‘xtalib o‘tdi.   

Shuningdek, anjuman doirasida zamonaviy ommaviy axborot vositalarining muhim muammolari o‘rtaga tashlandi. Axborotlar olami o‘ta shiddatkor tus olgan bir paytda bu soha xodimlari zimmasidagi mas’uliyat yanada ortgani barchaga ma’lumligi hamda matbuot va jurnalistika - matonatlilar, topqirlar, zukkolar maydoni ekanligiga urg’u berildi.

MTDP Markaziy kengashi Matbuot xizmati