Saylov qonunchiligiga ko‘ra, siyosiy partiyalar oktyabrda o‘tkazilishi belgilangan saylovda ishtirok etishi uchun kamida 40 ming saylovchining imzosini to‘plashi zarur. Shundan kelib chiqib, “Milliy tiklanish”chilar ham 15-avgustga qadar davom etadigan imzo yig‘ish jarayonida faol ishtirok etmoqda.

   Partiyaning Namangan viloyati Kengashi ham imzo yig‘ish ishlarini izchil olib bormoqda. Jumladan, Davlatobod tumanidagi “Yangi O‘zbekiston – yoshlar ziyo maskani”ga yig‘ilgan saylovchilar “Milliy tiklanish” partiyasini qo‘llab-quvvatlab, imzo varaqasini to‘ldirdilar.

   – O‘zim “Milliy tiklanish” aʼzosiman. Partiyamizning bo‘lajak saylovda ishtirok etishini qo‘llab-quvvatlab, imzo qo‘ydim va bu, shubhasiz, to‘g‘ri tanlovim bo‘ldi, – deydi tadbirda ishtirok etgan Nodira Omonova.