Kecha bo‘lib o‘tgan Qonunchilik palatasining yalpi majlisida qabul qilingan “Huquqiy eksperiment to‘g‘risida”gi qonunda "Milliy tiklanish" fraksiyasining muhim taklifi o‘z aksini topdi. Fraksiya aʼzolari tashabbusi bilan Huquqiy eksperiment tartibida O‘zbekiston Respublikasi Konstitutsiyasining va unga o‘zgartish va qo‘shimchalar kiritishni nazarda tutuvchi normativ-huquqiy hujjatning loyihasini tayyorlashni tashabbus qilishga yo‘l qo‘yilmasligi qatʼiy belgilab qo‘yildi. Chunki, Konstitutsiyaga o‘zgartish va qo‘shimchalar kiritish eksperiment tarzda qabul qilinadigan hujjat emas. 

Maʼlumki, huquqiy eksperiment – bu normativ-huquqiy hujjatning yoki huquqiy normaning samaradorligini amalda muayyan hudud yoki shaxslar doirasi bo‘yicha cheklangan holda, belgilangan vaqt oralig‘ida sinovdan, tajribadan o‘tkazish bilan bog‘liq chora-tadbirlar hisoblanadi.