Boshlang‘ich partiya tashkiloti qanchalik faol bo‘lsa...

Partiyaning Andijon viloyat Kengashi tomonidan Boshlang‘ich partiya tashkiloti faoliyati samaradorligini oshirishga qaratilgan maʼnaviy-maʼrifiy tadbir o‘tkazildi.

Andijon viloyat musiqali drama teatrida o‘tgan tadbirda partiya faollari, viloyatdagi barcha BPT vakillari hamda partiya aʼzolari bo‘lgan mahoratli aktyorlar, sanʼatkorlar ishtirok etdi.

Tadbirda partiyaning Andijon viloyati Kengashi raisi Hamidjon Omonov so‘zga chiqib, bunday madaniy, maʼnaviy va maʼrifiy tadbirlar BPT faoliyati samaradorligini oshirishda muhim ahamiyat kasb etishini, aholi orasida partiyaning targ‘ibot-tashviqot ishlari taʼsirchanligini kuchaytirishga xizmat qilishini taʼkidladi.

BPT bu – fuqarolarni o‘zaro manfaatlar, qarashlar umumiyligi asosida hududiy, ishlab chiqarish muassasalarida birlashtirgan siyosiy partiya tashkilotlarining boshlang‘ich bo‘g‘inidir. BPT qanchalik faol bo‘lsa, partiya faoliyati samaradorligi taʼminlanadi, aʼzolar soni ko‘payadi.

Tadbir yakunida BPT vakillari teatr tomoshalaridan bahramand bo‘ldilar.