Partiya vakillari "Yashil makon" loyihasida

"Yashil makon" umummilliy loyihasida partiyaning Xorazm viloyati, tuman va shahar  Kengashi vakillari hamda partiyadan saylangan mahalliy kengash deputatlari ham faol ishtirok etmoqda.

Jumladan, viloyat Kengashi deputati Sayyora Xudayberganova tashabbusi bilan Qo‘shko‘pir tumanida hashar uyushtirilib, “Onalar bog‘i” barpo etildi.  Partiya vakillari, yoshlar ishtirokida o‘tgan hasharda yuzlab mevali va manzarali daraxt ko‘chatlari o‘tqazildi. Shuningdek, “Mehnatobod” mahallasidagi ariq bo‘ylariga tut ko‘chati ekildi. Hasharda nuroniy onaxonlar qo‘llarini duoga ochib, mahalla ahli ekilgan ko‘chatlar mevasidan bahramand bo‘lishini tiladilar.

Partiyaning Yangibozor tumani Kengashi hamda tumandagi deputatlar saʼy-harakatlari bilan ham mahallalarda, maktab va bog‘chalarda ko‘chatlar o‘tqazilmoqda.