"Milliy tiklanish" demokratik partiyasining Toshkent shahar Kengashidagi deputatlik guruhi tomonidan poytaxt Maktabgacha va maktab ta'limi boshqarmasi hamda Transport boshqarmasining 2025-yilning I-yarim yillikda amalga oshirilgan ishlar muhokama qilindi. Unda deputatlar ta’lim tizimi islohotlari bo‘yicha belgilangan maqsadlarning Toshkent shahridagi ijrosi, faoliyatning natijadorligi, yo‘l haqi to‘lovida shaffoflik va tushumlarni ta’minlash, haydovchining moliyaviy bog‘liqligini kamaytirish va yo'l harakati xavfsizligini ta'minlash borasidagi amalish tashabbuslar muhokama qilindi. Faoliyat davomida aniqlangan muammo va kamchiliklar tahlil qilinib, hal etish bo‘yicha takliflar bildirildi.
  
Ma'lum qilinishicha, mazkur davr mobaynida Toshkent shahri bo‘yicha maktabgacha ta’lim tashkilotlariga 165 932 nafar bola qamrab olingan. Bu Toshkent shahar bo‘yicha maktabgacha ta’lim yoshidagi 209 922 nafar bolaning 79 foizini tashkil etgan. Xususan, 324 ta maktablarda yangi baholash tizimi joriy etilgan bo'lib, 105 ta maktabning 10-sinf o‘quvchilari uchun 4 ta yo‘nalishda tanlov fanlari belgilangan va o‘quvchilarga chuqurlashtirilgan holda bilim berish yo'lga qo'yilgan. Shuningdek, 5 454 ta (Paynet  4 804, Oson 250 va Multipay 400 dona) infokiosklarda naqd pulga (3000 so‘m) QR chiptalari xarid qilish imkoniyatlari yaratilgan. Transport kartalariga bo‘lgan talabni qondirish maqsadida esa joriy yilda qo‘shimcha 270 ming dona transport (ATTO) kartalari tarqatilgan bo'lib, jamoat transportida 205,5 mln nafar yo‘lovchi tashilgan.