Yangiliklar


69

Yakkasaroy tumani hokimi ogohlantiradi

Xabaringiz bor, partiya qoshida tashkil etilgan “Til posbonlari” jamoatchilik nazorati guruhi mahalliy Kengash deputatlari, masʼul idora vakillari hamrohligida Toshkent shahrining bir qator tumanlarida bo‘lib, davlat tili hamda reklama to‘g‘risidagi qonunlar ijrosi bilan tanishmoqda. Guruhning navbatdagi safari Yakkasaroy tumaniga bo‘ldi.


Guruh tumandagi savdo va xizmat ko‘rsatish do‘konlari, dorixonalar, go‘zallik salonlarini ko‘zdan kechirar ekan,  Yakkasaroyda qonunlarga rioya qilinganlik darajasi boshqa tumanlarga qaraganda bir qadar yaxshilanganiga guvoh bo‘lishdi. Ammo yo‘l bo‘yidagi peshlavhalar, tashqi reklamalar hamon boshqa tillarda berilmoqda. Imloviy xatolar ham yetarli.

O‘rganishlar davomida tadbirkorlarga qonunlar mazmun-mohiyati, belgilangan javobgarliklar haqida maʼlumotlar berildi. Tuman hokimi nomidan ogohlantirish xatlari taqdim etildi. Qilinadigan o‘zgartirishlarning aniq muddatlari belgilab olindi.

“Til posbonlari” jamoatchilik nazorati guruhi faoliyati davom etmoqda. Keyingi manzil Yashnobod tumaniga bo‘ladi.